طلبت منه 200 جنيه حسابي.. فني دش يزعم تعرضه للتعدي بالضرب من قبل عميل في العبور
زعم شاب يدعى صلاح أمين، يعمل فني دش وتركيب كاميرات، تعرضه للتعدي بالضرب خلال تأدية مهام عمله، إذ نشر منشورًا له عبر حسابه بموقع التواصل الاجتماعي فيسبوك، يروي فيه ما تعرض له من قِبل أحد العملاء بسبب الاختلاف على الحساب.
فني دش وتركيب يدعي تعرضه للتعدي بالضرب من قبل عميل
وقال صلاح أمين، فني دش وتركيب كاميرات، في منشور له عبر حسابه بموقع فيسبوك: “أنا شغال فني دش وتركيب كاميرات، وروحت شغلانة في منطقة عرابي بـ العبور عن طريق شقيق صاحب المكان، وبيتعامل معايا ديمًا وعارف أنا لما بروح ليه صيانه باخد كام وكنا متفقين على السعر قبل ما أروح”.
وأردف فني الدش وتركيب الكاميرات، روحت وظبطت الدش وخلصت شغلي كله زي الفل، ولما جيت أطلب حسابي اللي هو كان 200 جنيه بس، الراجل اتغير فجأة وابتدى يتكلم معايا بأسلوب مهين جدًا، وقالي شيل الحاجة اللي ركبتها وخد أدواتك ومفيش ليك فلوس، وطبعًا حصل بينا شد كلام، وبعدها ابتدى يهددني وقال إنه هيحبسني في الفيلا بتاعته، ومش هيسيبني، وبعد كده هو والبواب بتاعه اتعدوا عليّا وضربوني.
واستكمل صلاح أمين: “أنا قدرت أصور اللي حصل، وبعد ما مشيت روحت على القسم وعملت محضر بالواقعة، وكمان روحت المستشفى وعملت إثبات حالة بالإصابات اللي عندي أطالب الجهات المختصة بسرعة اتخاذ جميع الإجراءات القانونية اللازمة حيال هذه الواقعة، حفاظًا على حقوقي، وردعًا لمثل هذه الأفعال، ولمنع أي تعسف أو استغلال ضد المواطنين”.
