دينا غبور تتحدث عن طليقها: بحمد ربنا أنه أبو ولادي.. ولو حد وحش هيبقى أنا
تحدثت سيدة الأعمال دينا غبور، عن علاقة الصداقة التي تجمعها بـ طليقها رجل الأعمال شريف منير فخري، موضحة أن الطلاق لم يؤثر على علاقة الود والصداقة بينهما.
وقالت دينا غبور، في لقائها مع الإعلامية دينا الشربيني، في برنامجها هي وبس: الانفصال حصل من 8 سنين، والغريب في الموضوع أن شريف ده هو المعنى الحرفي لـ ابن الناس، هو عيلتي وصديقي المفضل ولو تعبت أو احتاجت أي حاجة أول حد بكلمه هو، هو بالنسبة ليا حاجة كبيرة أوي وكل يوم بشكر ربنا أن ده أبو أودلاي، ولو حد وحش هيبقى أنا.
دينا غبور: كان نفسي أبويا وأمي يكونوا جنبي لما عرفت أن بنتي عندها السكر
كما كشفت دينا غبور، عن اشتياقها لوالديها الراحلين ورغبتها في تواجدهما بجانبها خاصة وقت معرفتها بـ إصابة ابنتها بـ مرض السكري، قائلة: كان نفسي أبويا وأمي يكونوا جنبي لما عرفت أن بنتي عندها السكر، أنا عرفت أن بنتي عندها السكر النوع الأول اللي حقيقي بايخ، بعد ما تمت 8 سنين بـ أسبوعين، اليوم ده أنا كنت محتاجاهم احتياج غير عادي، ماحدش بيحس بوجعي وقلقي على ولادي زيهم، والدتي ماتت بقالها 13 سنة، وبنتي جالها السكر بعد ما بابا مات على طول.
