دينا غبور تكشف لـ رضوى الشربيني تفاصيل معاناتها مع الربو: قعدت 19 سنة باخد حقن كورتيزون
كشفت سيدة الأعمال دينا غبور، تفاصيل معاناتها مع مرض الربو، موضحة أنها لجأت لـ حقن الكورتيزون لمدة 19 عام للسيطرة على المرض، موضحة أنها أجرت ثلاث عمليات للتخلص من السمنة الناتجة عن العلاج بالكورتيزون ولكنها فشلت، ومن ثم خسرت وزنها عن طريق الرياضة.
وقالت دينا غبور، في لقائها مع الإعلامية رضوى الشربيني، في برنامجها هي وبس: إحنا أساتذة في الحكم من برا، ولكني عندي قناعة أن ربنا بيقسم الـ 24 قيراط صح على كل الناس، أنا الحمد لله اتولدت في عيلة مقتدرة من الجدود وفيها حب كبير أوي من الأم والأب وإحساس بالأمان ودفئ، فعلًا ربنا كان كريم جدًا.
وأضافت دينا غبور: أنا اتولدت عندي ربو مش حساسية، ووقتها العلاج كان بطريقة مختفلة ومن وأنا عندي أشهر لغاية سنة 19 أو 20 سنة كنت باخد حقن كورتيزون وكنت لوزن 106 كيلو، وعملت عملية رينج وباظت 3 مرات، وآخر مرة قالوا مينفعش وتخنت حاجة رعب.
وأضافت: وقتها أمي اتكلمت معايا وقلت مش هتعيشي حياتك كلها عبد لـ حتة حديدة، وتاني يوم نزلت لعبت رياضة من غير عملية التخسيس، وخسيت 46 كيلو لوحدي بالرياضة 6 أيام في الأسبوع.
