عنف وتحرش وخذلان عاطفي.. صدمات تعرض لها أبطال حكاية نرجس
كشف أبطال حكاية نرجس، وعلى رأسهم الفنانة ريهام عبد الغفور، لأول مرة عن صدمات تعرضوا لها في طفولتهم وفي مرحلة الشباب، وهو الأمر الذي أثار دهشة الجمهور بعدما فتح الأبطال قلبهم لـ الإعلامية منى الشاذلي.
ريهام عبد الغفور مع منى الشاذلي
وكانت البداية مع الفنانة ريهام عبد الغفور، التي كشف تفاصيل تعرضها للتحرش على يد مسن بعائلتها، حيث قالت في لقاء أسرة حكاية نرجس، مع الإعلامية منى الشاذلي: السر اللي عيشت بيه كتير أوي أن كان في واحد أهلي بيثقوا فيه جدًا وعنده 80 سنة اتحرش بيا وأنا عندي 6 سنين وفضلت مخبية لحد ما كان عندي 40 سنة لحد ما اتخطيت وأهلي اتصدموا لما عرفوا وقولت ليهم مين الشخص بس كان اتوفى.
يوسف رأفت مع منى الشاذلي
وكشف يوسف رأفت، تفاصيل تعرضه للعنف على يد زوج والدته، قائلًا: والدتي كانت متجوزة والشخص دا كان مريض، وكان عنيف جدًا ومش محتاج سبب أو أعمل حاجة، بس بابا أنقذني من التروما دي إنها متجبليش مرض نفسي وجاب لي حقي وحافظ على كرامتي تبقى مرفوعة ومحدش يمد إيده عليا.
بسنت أبو باشا مع منى الشاذلي
بينما كشفت بسنت أبو باشا، عن جرحها العاطفي نتيجة قصة حب لم يكتب لها النجاح، قائلة: كنت في علاقة عاطفية والشخص اللي كنت مرتبطة بيه هز ثقتي في نفسي، عمري ما حسيت إني عاملة حاجة في حياتي أو إني مبسوطة، مش بفرح قوي زي الناس، الموضوع بقاله سنين، بس مش عارفة ليه معنديش ثقة أبقى فرحانة بأي حاجة بعملها.
إلهام وجدي مع منى الشاذلي
كما كشفت إلهام وجدي، عن صدمة تعرضت لها بسبب قصة حب، قائلة: كنت مرتبطة بـ حد وبقالنا سنة بنحب بعض، وسألته إيه شكل البنات اللي بيحبها واختار شكل مختلف خالص عني، قولتله ده أنا مش ذوقك، فقالي بمنتهى الأريحية أنتي متعجبنيش خالص ولا شكلك ولا جسمك أنتي بالنسبة ليا مش ست، فأنا مكنتش عارفة إيه اللي ممكن يتقال كـ ست في الموقف ده، فقولتله أنت قاعد معايا ليه؟، فقالي أنا مستخسرك أنتي متتعوضيش، قولتله مش عايزة أشوف وشك تاني.
