طارق الشناوي عن المقارنة بين ياسمين عبد العزيز ومي عمر: مفيش مقارنة لحظية
علق الناقد الفني طارق الشناوي على المقارنة بين الفنانة ياسمين عبد العزيز، والفنانة مي عمر، خلال موسم رمضان الماضي 2026، بمسلسلي الست موناليزا، وننسى اللي كان.
وقال طارق الشناوي في تصريحات تليفزيونية: بديهي إن ممكن تبقى أنت نجم كبير ومبتقاش أعلى نسبة مشاهدة دي بتحصل، يعني مثلًا عادل إمام في بعض الأفلام له مكانش الأول، ومثلًا محمد هنيدي في إسماعيلية رايح جاي جاب ضعف اللي جابه عادل إمام، هل معنى كده نقول إن هنيدي أكثر موهبة من عادل؟، وذكائك أنك مهما كنت نجم كبير تشوف غلطت في إيه.
وأضاف طارق الشناوي: مؤكد أن ياسمين أو مي مفيش بينهم مقارنة لحظية، مي ماشية كويس 4 سنين نجمة شباك درامي، هي فنانة مشروع اقتصادي ناجح وبيتعمل بالمازورة، ومفيش مخرج مهما كان موهوب يقدر يقول إنه السر الوحيد السبب في النجومية، ولم يحدث في التاريخ كله أنك فرضت نجم على الجمهور، هي عندها سحر النجومية.
واختتم طارق الشناوي: ياسمين تاريخ أسبق، ومشروع نجمة شباك سينما، وفي التليفزيون نجمة بجد، وعندها كمبدعة أنغام متعددة ومقنعة جدًا، وهي طيبة ومن النوع اللي ممكن يندفع لمعركة الذكاء يقوله متدخلش فيها.
