محمد سيد بشير: مي عمر عندها شغف ونجاحها مستمر.. وقالتلي هنتبسط بنجاحنا في رمضان
تحدث السيناريست محمد سيد بشير، عن كواليس تعاونه مع الفنانة مي عمر، في مسلسل الست موناليزا، الذي عٌرض في سباق رمضان الماضي 2026، معربًا عن سعادته بالتجربة وأن مي عمر نجاحها مستمر بسبب شغفها.
وقال محمد سيد بشير، في لقائه مع القاهرة 24: أول قاعدة مع مي عمر تاني يوم كان مكتوب المعالجة كلها بالتحديث وعملنا الشخصيات، إحنا دخلنا التصوير يوم 22 أكتوبر خلصت كتابته يوم 1 ديسمبر، لأن إحنا كنا شغالين ومي عمر دؤوبة أوي وبتشتغل معاك وكنا بنتكلم من 1 الظهر لـ 9 بالليل، ده بيخلي الحلقة متطلعش برا النطاق اللي عايزين نحكيه، واستفدت من المشروع ده أن اللي بتحكيه بتلاقيه، كل ما نحكي الحكاية تحلو أكتر، وده اللي ساعدنا تبقى كيميتنا واحدة أنها حاطة إيديها معايا في النار، أنا اتبسطت مع مي جدًا وسهلت أموري في الاسكريبت.
وأضاف محمد سيد بشير: قالتلي إحنا هنتعب دلوقتي ولكن وإحنا قاعدين في رمضان هنبقى مبسوطين بنجاحنا، في فرق كبير أوي بين أنك بتشتغل مع حد مش فارق له ينجح أو حد شبع نجاح، واللي عنده شغف نجاح مستمر ومي عندها شغف، هي بتقولي أنا عايزة أنجح من جديد، وده بيخليني لو عندي طاقة قيراط يبقى عندي 20، أنا مكنتش بنام.
أبطال مسلسل الست موناليزا
وشارك في العمل بجانب مي عمر عدد كبير من النجوم، منهم: أحمد مجدي، وفاء عامر، شيماء سيف، جوري بكر، سماء إبراهيم، إنجي المقدم، محمود عزب، محمد محمود، هدير عبد الناصر وآخرين، وهو من تأليف محمد سيد بشير وإخراج محمد علي.
