خالد الصاوي: ربنا أنقذني من جرأتي الزيادة.. واتعالجت في بلدي بعد ما لفيت برة
كشف الفنان خالد الصاوي تفاصيل الأزمات الصحية والنفسية التي مر بها مؤخرًا، مؤكدًا أن قوة إيمانه أنقذته من نفسه ومن الاندفاع والجرأة الزائدة، التي أدت لتعرضه لصدمات قوية.
وقال خالد الصاوي في برنامج الستات مايعرفوش يكدبوا: ربنا أنقذني من نفسي وجنوني وجرأتي الزيادة وأخطائي في تجارب معينة، أكبر رضا عليا إنه أنقذني.
وتطرق خالد الصاوي في حديثه إلى دعم الجمهور الدائم له، معلقًا: الناس بتحبني لـ الله في الله، بلاقي حد معرفوش يقول أنا دعيتلك من الكعبة.
وواصل: الناس فرحت لما بدأت أسترد صحتي وشكلي وصوتي وأدائي كأني واحد قريبهم مش فنان بعيد، واللي من القلب للقلب بيوصل.
وعن أزمته الصحية الأخيرة، قال خالد الصاوي: عملت تكميم وثقتي في نفسي رجعت، كنت وصلت لمرحلة إني هموت، متستسلمش للمنطقة السوداء اللي توديك للاكتئاب.
وأضاف: جربت الحقن اللي بتخسس، وطلعت مفيدة لمرضى السكر مش ليا، لو رجع بيا الزمن كنت هعمل دايت طبعًا، وبعد ما لفيت برة في رحلة علاجي، اتعالجت في بلدي في الآخر.
وعلى جانب آخر، علق خالد الصاوي عن صداقته مع الراحلين خالد صالح وطارق عبد العزيز، قائلًا: أنا وخالد صالح وطارق لطفي وياسر جلال وفتحي عبد الوهاب بدأت الناس تعرفنا في سن الأربعينات، وخالد صالح وطارق عبد العزيز كانوا قريبين ليا أوي عشان مكانش فيه تواصل بينا وبين الجيل اللي قبله.
