شايلة جزء من المعدة ودخلي 2000 جنيه.. أول تعليق من المسنة صاحبة فيديو حمل نجلها المريض | خاص
تداول مستخدمو مواقع التواصل الاجتماعي مقطع فيديو لسيدة مسنة وهي تحمل نجلها المريض وتسير به في الشارع، ما أثار حالة واسعة من التعاطف عبر المنصات المختلفة.
أول تعليق من المسنة صاحبة فيديو حمل نجلها المريض
وفي أول تعليق لها، قالت السيدة في تصريحات لـ القاهرة 24، إن نجلها يعاني من ضمور عضلات وشلل أطفال وصرع، مشيرة إلى أن الأطباء أكدوا عدم وجود علاج لحالته، مضيفة: عنده 45 سنة، لكن عقله كأنه طفل في العاشرة، وتعبت كتير، بس الحمد لله وربنا أكيد هيعوضني.
وأوضحت أنها تتولى رعايته بشكل كامل، قائلة: أنا اللي بخدمه على قد ما أقدر، وبشيله وبروح بيه لأي مكان، سواء للدكتور أو غيره، وأخته بتساعدني في رعايته لأني شايلة جزء من معدتي وحالتي الصحية بتتدهور يوم عن يوم وبتعالج.
وأضافت: ابني كان هيموت مني قبل كده وحاول ينهي حياته بسبب نوبة الصرع بس الجيران لحقته ودخلنا الشهري بسيط 2000 جنيه ونفسي ابني يتعالج والحمد لله على كل حال، وربنا مش بينسى حد أبدًا، وبنتي التانية بتساعدنا وتعملنا أكل ودي ظروفنا وحياتنا بس بنعيش.
