عادل إمام السبب إن أبويا يمثل.. أبرز تصريحات أحمد السعدني مع إبراهيم فايق
حل الفنان أحمد السعدني ضيفًا على الإعلامي إبراهيم فايق ببرنامج فايق ورايق، حيث كشف العديد من أسرار حياته، كما تحدث عن نجاح أعماله الفنية، بجانب تعليقه على مجموعة من القرارات التي اتخذها وندم عليها.
أبرز تصريحات السعدني
ونستعرض لكم أبرز تصريحات السعدني خلال اللقاء:
ـ حلم حياتي أقدم هاملت على المسرح القومي، حاولت أعملها كذا مرة لكن الموضوع مكلمش.
ـ عادل إمام اللي خلى أبويا يمثل، كان ماسك فريق التمثيل وأبويا في الجامعة جديد، شافه قاله مش عايز تمثل تعالى معانا.
ـ ترامب حاسس إنه قرب يموت فعايز يموتنا معاه.
ـ صديقتي المؤلفة دينا نجم أهدتني بـ تي شيرت للنادي الأهلي، بعد ما خلصنا تصوير مسلسل “لا ترد ولا تستبدل”.. هي زملكاوية رزلة، وأنا مجنون بالنادي الأهلي.
ـ طول عمري عندي ثقة في النادي الأهلي إنه مفيش حاجة عنده مستحيلة، والفترة من 2000 لـ 2004 كانت فترة وحشة أوي في تاريخ النادي.
ـ حظي وسعدي في الدنيا إني ابن العمدة صلاح السعدني.
ـ ندمت إني ممثلتش مع أبويا تاني، كان نفسي أقدم مسلسل الباطنية وأطلع ابنه، أنا ضيعت على نفسي فررص كتير مهمة.
ـ قللت احتياجاتي المادية علشان منزلش أشتغل حاجة تافهة بسبب الفلوس
ـ من 5 سنة خليت احتياجي المادي ميجبرنيش أنزل أشتغل حاجة مش عجباني أو تافهة، علشان عليا فلوس أو قسط.
ـ قللت احتياجاتي وبقيت بنزل الشغل هدفي شريف ومن وأنا صغير أبويا كان مدفيني علشان كدة معنديش طمع في حاجة.
