عمر كمال: أُخرج جزءًا من أموال الفن للخير لتشفع لي.. وهعرف أتفاهم مع ربنا
حل الفنان عمر كمال، ضيفًا على الإعلامية ياسمين عز في برنامجها كلام الناس المذاع عبر شاشة قناة MBC مصر.
وخلال اللقاء تحدث عمر كمال، عن رأيه في الجدل حول أموال الفن وهل حرام أم حلال، موضحا: أي فلوس بتدخلي من شغلي في الفن لازم أطلع منها حاجة لله.. يعني بحس إن مثلا لما حد عايز يغسل كلى.. أو علاج أورام أو أي حاجة من دي أكيد الحاجات دي هتشفعلي لو فلوس حرام.. هعرف أتفاهم مع ربنا وأقوله.
وتابع عمر كمال حديثه: كنت مرتبط بواحدة لما كانت تحب تهبر مني فلوس تعمل شعرها أو تنحت أو أي حاجة وأنا أضايق من المصاريف الكتير كانت تقولي اعتبرهم أوردرين شغل راحوا.. وربنا كرمني لدرجة أني بحساب بالفيزا ومش عارف الحساب كام وعندي 5 عربيات.
وكشف عمر كمال خلال الحلقة سبب انفصاله عن حبيبته لتسأله ياسمين عز: ليه سيبت حبيبتك؟ ليٌجيبها عمر كمال: سيبتها عشان معرفتش أتصالح مع ماضيها.. لا عارف أعيش معاها في السر عشان مينفعش أعمل كدا.. ولا أعرف أطلع بيها للناس عشان مكسوف منها.
