مش ابنهم.. مؤسس صفحة أطفال مفقودة يوجه رسالة لصاحب الرقم 71461: نتيجة التحاليل سلبية
شارك رامي الجبالي مؤسس صفحة أطفال مفقودة، منشورًا يشكك فيه بنتائج التحاليل الأخيرة لصاحب الرقم 71461 بعد إعلانه عبر حسابه الشخصي، عثوره على عائلته خلال الأيام الماضية وإيجابية التحاليل.
مؤسس صفحة أطفال مفقودة يشكك في نتيجة تحاليل صاحب الرقم 71461
وشارك رامي الجبالي مؤسس صفحة أطفال مفقودة منشورًا عبر حسابه بمنصة التواصل الاجتماعي فيسبوك جاء فيه: خلاص لمينا الأسود والورود.. وخلصنا الـ live على tiktok وهزرنا وضحكنا، نقول لهم الحقيقية بقى عشان ميصحش يا "71461".
وأردف: بعتلك على واتساب مش بترد، اتكلمت مع المعمل اللي عملت معاه التحليل وقالوا لي إنك مش ابنهم وإنهم بلغوك بأن التحاليل نتيجتها سلبية، وإنهم حاولوا يتواصلوا معاك بعد ما شافوا الفيديوهات والكلام الغريب اللي بتقوله برضو مش بترد عليهم!! هنعمل إيه دلوقتي بقى؟.
وأضاف: التحليل بيقول إنهم من سلالة من قبائل عربية، وإنك من سلالة مستحيل تكون قريبهم بأي شكل من الأشكال.. إيه بقى؟!
وأكمل: اللي فاهمين إنهم أهلك انا مش عارف انت كذبت عليهم هما كمان بخصوص نتيجة التحليل أو لا، لو كذبت عليهم مش هقولك غير الله يسامحك على اللعب بمشاعر أسرة ضايع منها ابنهم، ولو عارفين وموافقين على اللي بتعمله فأنا بقولك ده تزوير واختلاط أنساب، والمتضرر الأكبر هيكون أنت وأولادك في المستقبل لما فجأة السر ينكشف وأولادك تلاقي نفسها دون أوراق ثبوتية، وحضرتك تترمي في السجن “لا قدر الله”.
وأشار: إحنا بقالنا سنين بنحاول نفرح الأهالي برجوع أولادها بعد سنين، ولم ولن نشارك ولو بالصمت على الفيلم اللي بيحصل ده، لأن ده هيشكك الناس في كل قصة نجاح عملناها أو بنعملها، والمجتمع هيشوف إن كل دي مجرد أكاذيب لما تنكشف كذبتك، وإن فرحتهم وزعلهم كان استغلال لمشاعرهم وخلاص، أنا فعلا مش عارف بتخطط لإيه؟! ومصدوم بصراحة، ده إنذار أخير، وأتحداك تحط نتيجة تحاليل اللي عملتها في ألمانيا مع أخوك ووالدتك -اللي كنت فاكرهم أهلك- ونتيجتها خرجت من كان يوم سلبية، ومن بعدها خرجت تحتفل مش عارف إزاي وعلى إيه، واللي تكلفتها بالمناسبة 18 ألف جنيه فقط مش 45 ألف جنيه زي ما بتقول في كل مكان.
