سحر حسن طليقة علي الحجار: بنتي شايلة حاجات كتير بقالها 30 سنة.. ومش هنلوم عليه لأننا عارفين ظروفه
علقت الفنانة سحر حسن طليقة الفنان علي الحجار، على الأزمة التي أُثيرت خلال الساعات الماضية بين ابنتها بثينة وطليقها، وذلك بعدما ظهرت في مقطع فيديو تشكو فيه من عدم إنفاق والدها عليها.
أزمة علي الحجار وابنته
وقالت سحر حسن لـ القاهرة 24: بصرف النظر عن إن الأب مُقصر أو لأ، وأنه عنده 7 أولاد وده كتير جدًا على شخص أكيد فنيًا قيمة وقامة ولكنه جماهيريًا مش قادر يتحقق، أنا اتجوزت علي الحجار لمدة 14 سنة ومتطلقة من 2003، وفي ناس متعرفش إني كنت مراته غير أصحابنا.
وأضافت: أنا ضد أي فضائح من أي نوع، المشاكل الأسرية تتحل بين 4 حيطان ولو ما اتحلتش متتقالش، ومحدش عارف البيوت فيها إيه وبثينة بقالها 30 سنة شايلة حاجات كتير، وإحنا مش عايزين نلوم الفنان علي الحجار إحنا عارفين ظروفه والراجل عنده أبناء كتير.
محاولة صلح علي الحجار وابنته بعد الأزمة الأخيرة
وكان علم القاهرة 24، من مصدر مقرب من عائلة علي الحجار، أنه كانت هناك محاولة صلح بين الفنان وابنته بعد الأزمة الأخيرة، ولكنها باءت بالفشل، قائلًا: فيه ناس حاولوا يتدخلوا إن علي الحجار وبنته يتقابلوا ويقعدوا ويتفاهموا بعد الأزمة اللي حصلت.
