بشرى: حفلات السينما النهارية بتخلي الطلبة يهربوا من المدارس.. وخناقة الأعلى أجرًا ملهاش لازمة
كشفت الفنانة بشرى عن رؤيتها لأزمات السينما الحالية بشأن ترشيد استهلاك الكهرباء، وصراع الأرقام على المنصات في الفترة الماضية.
بشرى: حفلات السينما النهارية بتخلي الطلبة يهربوا من المدارس
وقالت بشرى في تصريحات لـ القاهرة 24: السينما مش بتاخد كهرباء كتير لأن الضوء بتاعها قليل جدا، مضيفة: أنا مع ترحيل حفلات النهار إلى الليل، لأن ساعات الطلاب بيستغلوا ده ويهربوا من دراستهم ويروحوا يتفرجوا على الأفلام.
وتطرقت بشرى في حديثها عن الجدل المثار بشأن من الأعلى أجرًا والأكثر مشاهدة، معلقة: خناقة الأعلى أجرًا دي ملهاش لازمة، مفيش جهة بتطلع إحصائيات موثوق فيها نقدر نتأكد منها.
كما أضافت: كل منصة بتطلع اللي يخصها لكن ده لا يعني أن رقم واحد هنا هو نفسه هنا، كل منصة من حقها تطلع اللي هي عايزاه، والجمهور هو اللي يختار وكل واحد له جمهوره.
أعمال بشرى
في سياق آخر، شاركت بشرى في موسم رمضان 2025 من خلال مسلسل سيد الناس، بطولة الفنان عمرو سعد، بجانب مجموعة من نجوم الفن، منهم: أحمد رزق، إلهام شاهين، منة فضالي، أحمد زاهر، إنجي المقدم، خالد الصاوي، وآخرين، والعمل من إخراج محمد سامي.
كما ظهرت بشرى ضيفة شرف في مسلسل عقبال عندكوا، بطولة الفنان حسن الرداد، إيمي سمير غانم، محمد ثروت، إنعام سالوسة، سليمان عيد، علاء مرسي، وآخرين، والعمل من إخراج علاء إسماعيل.
