الحساب هيتقفل الشهر الجاي.. والدة الصغير أحمد هاني مريض ضمور العضلات دوشين تناشد استكمال تكلفة علاجه: فاضل 5 مليون جنيه من سعر الحقنة
تصدر الصغير أحمد أحمد هاني، مريض ضمور العضلات دوشين، صاحب الـ 8 سنوات من العمر، تريند منصات التواصل الاجتماعي، خلال الساعات القليلة الماضية، وذلك بعد مناشدة والدته باستكمال التبرعات لحصوله على حقنة العلاج الجيني لمنع تدهور حالته الصحية، خصوصًا أن المتبقي من سعر الحقنة 5 مليون جنيه من أصل 13 مليون جنيه، مع غلق حساب التبرعات الشهر المقبل.
والدة الصغير أحمد هاني مريض ضمور العضلات دوشين تناشد استكمال تكلفة علاجه
وقالت والدة الصغير أحمد هاني، مريض ضمور العضلات دوشين، في تصرحات خاصة لـ القاهرة 24، أتمنى الناس تقف جنب ابني وتساعده في علاجه ويكملوا معاه للآخر، فاضل من تكلفة الحقنة 5 مليون جنيه، وللأسفل متبقي شهر على موعد غلق حساب جمع التبرعات.
وأضافت والدة الصغير أحمد هاني، مريض ضمور العضلات دوشين، اكتشفت إصابته بمرض ضمور العضلات دوشين وهو في سن الـ 3 سنوات، وقتها بدأت ألاحظ عليه أعراض الإصابة بالمرض ومنها لو واقف يقع، وأقل مجهود بيتعبه، ورجله متضخمة، وكشفت عليه على أساس إنه بيعاني من نقص الكالسيوم أو الفيتامين، ولكن التحاليل أثبتت إنه بيعاني من مرض ضمور العضلات دوشين، وتم التأكد من الإصابة من خلال تحليل جيني تم إجراؤه في ألمانيا، والحمد لله إن الطفرة دي لها علاج، ولكن بتكلفة عالية.
واستكملت: والدة الصغير أحمد هاني، مريض ضمور العضلات دوشين: الحقنة مش علاج نهائي، ومسموح بها لحد عمر 9 سنوات، ومضاعفات المرض خطيرة، ومنها الشلل وتوقف عضلة القلب، وإبني مبيقدرش يقوم بالمهام البسيطة اللي أي حد في سنة بيعملها، أحمد في أولى ابتدائي ومبيعرفش يمسك قلم ويكتب لإن عضلات ايده بتوجعه، مش بيقدر يكتب الواجب، ومفيش في ايدينا غير انه ياخد الحقنة المثبتة لحالته.
واستكملت: أحمد أصبح يعاني من اعوجاج العمود الفقرى وضيق في التنفس، وبناشد بجمع التبرعات قبل ما الحساب يتقفل، نفسي ابني يخفف ويتعالج، المرض بياكل في جسم الطفل بالبطيء.
