بعد نجاحه الأخير.. هل يحضر محمد منير لألبوم جديد في صيف 2026؟
تداولت بعض الأخبار خلال الفترة الماضية، التي تزعم أن الفنان محمد منير يحضر لألبومه الجديد خلال الفترة الحالية.
وعلم “القاهرة 24” من مصادره أن الكينج حاليًا في حالة استرخاء بعد نجاح أغانيه الأخيرة من ألبومه مع شركة روتانا، مشيرًا إلى أنه حتى الآن لا يحضر لأي مشروع غنائي جديد.
وأضافت المصادر، أن هناك عددًا من الأغاني المتبقية ضمن تعاونه مع روتانا من المقرر طرحها خلال الفترة المقبلة، فيما لم يحسم محمد منير حتى الآن مسألة تجديد تعاقده مع الشركة أو البدء في ألبوم جديد.
آخر أعمال محمد منير
على جانب آخر، قدم الكينج محمد منير أغنية في حتة لوحدي، ولاقت تفاعلًا واسعًا من الجمهور، وجاءت كلماتها: بمشي على طول في طريقي أنا ومحدش بيهديني ولا فيه حد على شمالي أنا ولا فيه حد على يميني أنا مش محتاج أتسابق.. عشان أنا أصلا سابق فيه بيني وبينهم فارق.. ومحدش بيعديني في حتة لوحدي.. لوحدي لأني.. مفيش تاني مني.. والناس كلها عارفة في حتة لوحدي.. والنيل ده حكايتي.. بيجري ويجري.. عمره ما بيبص وراه حلمي اللي أنا بحلمه.. وطريقي اللي أنا برسمه.. بمشي لوحدي عليه والدنيا تلف تلف.. ومكاني في أول صف.. ومحدش بيعديه في حتة لوحدي.. لوحدي لأني.. مفيش تاني مني.. والناس كلها عارفة في حتة لوحدي.. والنيل ده حكايتي.. بيجري ويجري.. عمره ما بيبص وراه.
