شيرين عبد الوهاب توجه رسالة لـ هاني شاكر: كبوة وهتعدي.. ويا رب ترجع لجمهورك
حلّت الفنانة شيرين عبد الوهاب ضيفة على برنامج الحكاية الذي يقدمه الإعلامي عمرو أديب، من خلال مداخلة هاتفية، والتي تحدثت فيها عن كواليس عودتها مرة أخرى لجمهورها بأغنية جديدة.
رسالة خاصة من شيرين عبد الوهاب لـ هاني شاكر
ووجهت شيرين عبد الوهاب رسالة خاصة للنجم هاني شاكر قائلة: ألف سلامة عليك، ترجعلنا بالسلامة وبخير.. وترجع لجمهورك وبلدك، إن شاء الله كبوة وهتعدي ربنا معاك ودعواتنا كلنا ليك ترجعلنا بألف سلامة يا رب.
وعن عودتها لجمهورها مرة أخرى قالت شيرين عبد الوهاب: سعيدة برد الفعل حول الأغنية وحاسة إني رجعت للحياة مرة أخرى وأنا دلوقتي كويسة جدًا نفسيًا والناس كانت بتقولي إني مينفعش ترجعي وتطلعي دلوقني وأنا بغني للناس بروحي وقلبي وعايزة الناس تسمعني في كل الأوقات.
وأضافت: كل أسبوع هنزل أغنية من هنا لحد الصيف، ووحشني الغناء، وبعمل دويتو مع محمد حماقي، وعارفة أن ربنا مش هينساني وعارفة كل أصحابي بيحبوني.
واستكملت: لو تعرفوا قيمة السرير اللي بيناموا عليه ولما بيصحوا يلاقوا باب أوضة مقفول عليهم، أو يلاقوا عربيتهم بتكلكس، أو عربية فول قدامه، وأنك تشم هواء نضيف، كل حاجة في حياتنا نعمة بس مش عارفين قيمتها.
