مضينا إقرار ومحدش قالنا نقول إيه.. محمد صاحب أزمة السكن مع الأم بعد الزواج يكشف تفاصيل جديدة بعد ظهوره بـ«هي وبس»
ظهر أحمد الدين صاحب قصة فسخ الخطوبة على الهواء مباشرةً في لقاء تليفزيوني في بث مباشر عبر حسابه الشخصي على منصة تيك توك، موضحًا تفاصيل جديدة للواقعة يكشف من خلالها توقيعه إقرارًا على نفسه قبل التسجيل التليفزيوني وعدم توجيهه من طرف مُعين.
صاحب قصة أحمد وإيمان يكشف تفاصيل جديدة
قال أحمد صاحب الواقعة، في بث مباشر: اللي حصل حصل، وأنا بشكر كل الناس المحترمة اللي شوفنا منهم كل خير، وبأكد إن مفيش أي حد وجهنا أو طلب مننا نقول حاجة معينة، إحنا مضينا إقرار قبل أي كلام بـ إننا هنقول ومفيش حد هيقولنا قولوا إيه ولا حد قال لنا اعملوا كذا أو متعملوش كذا، وإحنا اللي قدمنا بإرادتنا الكاملة عشان الصورة تبقى واضحة قدام الجميع.
صاحبة الواقعة: ربنا هو اللي بيجيب الحق
وأضاف أحمد: البرنامج معروف وله اسمه، ومفيش أي تدخل أو توجيه حصل من أي طرف، وكل اللي اتقال كان مننا إحنا فقط، وده لازم يتفهم كويس، أنا كمان في شغلي ومش بدور على أي مصلحة، رغم إن فيه ناس عرضت عليا فلوس عشان أطلع وأتكلم في لايف، لكن أنا رفضت الكلام ده تمامًا.
واستكمل: فيه ناس بتحاول تركب الموجة أو تعمل تريند على حسابي، لكن في الأول والآخر ربنا هو اللي بيجيب الحق، وهو العدل بين الناس وبشكر كل اللي دعمونا بصدق، والباقي مش شاغلني.
قصة أحمد وإيمان تثير الجدل على مواقع التواصل الاجتماعي
تصدّرت قصة الشابة إيمان وخطيبها أحمد مواقع التواصل الاجتماعي خلال الساعات الماضية، بعد ظهورهما في إحدى حلقات برنامج «هي وبس» مع الإعلامية رضوى الشربيني، حيث تحولت الحلقة إلى حالة جدل واسعة عقب قرار إنهاء الخطوبة على الهواء مباشرة بسبب خلافات أسرية ومالية.
وخلال اللقاء، روت إيمان تفاصيل علاقة استمرت لعامين، موضحة أنها كانت تتشارك مع خطيبها أحمد في ادخار مبلغ مالي بهدف تجهيز مسكن الزوجية، سواء كمقدم شقة أو للإيجار، إلا أنها فوجئت لاحقًا بإبلاغه بأن والدته استخدمت تلك الأموال لظروف خاصة، وهو ما تعاملت معه في البداية بتفهم.
لكن الأمور تصاعدت لاحقًا عندما أبدى أحمد رغبته في أن تقيم والدته معهما بعد الزواج، باعتباره الابن الوحيد، وهو ما قوبل برفض قاطع من إيمان، التي أكدت عدم قدرتها على تقبّل هذا الوضع، خصوصًا بعد أزمة الأموال التي أثارت توترًا كبيرًا بين الطرفين.
ومن جانبها، علّقت والدة أحمد قائلة: ابني مايبعدش عن عيني، في موقف زاد من حدة الخلاف، لتنتهي القصة بقرار فسخ الخطوبة بشكل مباشر داخل الاستوديو، وسط تفاعل واسع من الجمهور على مواقع التواصل الاجتماعي.
