طارق السيد: لدي تسجيل صوتي من مسؤولي بالأهلي بوجود أزمة في غرفة ملابس الفريق
تحدث طارق السيد نجم الكرة المصرية السابق عن خسارة الأهلي من بيراميدز بثلاثية نظيفة في الدوري المصري الممتاز.
وقال السيد في تصريحات تليفزيونية: الأهلي بقاله مدة كبيرة جدا وحش مش الماتش ده بس.
وأضاف: لاعيبة الأهلي عندها مشاكل كبيرة ما بين بضعها وهي دي سبب المشكلة وتراجع مستوى الفريق ودي معلومة من جوه الأهلي وجيالي من جوه النادي، ومعايا تسجيل صوتي من مسؤول جوه الأهلي بيقول إن اللاعيبة مش بتحب بعض وباصين لبعض.
وأردف طارق السيد: الأهلي طلب حكاما أجانب لمبارياته في الدوري من أجل تحقيق العدالة.. لكن الأهلي مع الحكام الأجانب خسر بثلاثية نظيفة أمام بيراميدز وظهر بهذا الأداء المتراجع.
وتابع: أيوه هو ده بيراميدز اللي كان بيلاعب الزمالك اتغيروا يعني؟.. إنبي ضيع من الزمالك 5 نقاط والأهلي جاب كامويش ملعبش دقيقة.
وعن المنافسة على لقب الدوري قال طارق السيد: المنافسة لسه مشتعلة ومفيش حد ضمن الدوري ومجلس الأهلي اديله ١ من ١٠ في إدارة الكرة.
وتحدث طارق السيد باستفاضة عن فريق الزمالك قائلا: أكتر فرقة عندها مشاكل داخلية هي الزمالك.. فيه جزء كبير من مشاكل الزمالك بسبب مجلس الإدارة الحالي.
وأكمل: الزمالك السنة اللي فاتت خد السوبر الإفريقي من الأهلي وكأس مصر من بيراميدز، والأهلي عمل صفقات بالمليارات المفروض يكسب الأخضر اليابس وكل حاجة.
واستطرد: الزمالك بـ14 قضية إيقاف قيد واللاعيبة مش بتاخد فلوسها ورغم كده متصدرين الدوري.. اللي بيحصل ده مكنش متوقع من الزمالك ولاعبيه يستحقون التحية.
وعلق طارق السيد على تعادل الزمالك أمام إنبي قائلا: سبب تعادل الزمالك النهاردة إن معتمد جمال فكر في ماتش الأهلي قبل ماتش النهاردة.
واختتم طارق السيد تصريحاته قائلا: دفاع الزمالك أكثر من رائع.. وأنا من كارهي شيكو بانزا بس النهاردة هو أفضل لاعب وقدم مباراة من أفضل مبارياته مع الزمالك.
