طارق يحيي: الأهلي عمل صفقات في بداية الموسم تخوّف.. كلنا اتخضينا وشعرنا بقلق
علق طارق يحيي نجم الزمالك السابق، على خسارة الأهلي من نظيره بيراميدز أمس الإثنين، في اللقاء الذي أقيم بين الفريقين ضمن منافسات مسابقة الدوري الممتاز 2025 - 2026.
وخسر الأهلي من نظيره بيراميدز في إطار مواجهات الجولة الرابعة في مرحلة البطولة لمسابقة الدوري الممتاز، بنتيجة 3-0.
تصريحات طارق يحيي
وقال طارق يحيي خلال تصريحات إذاعية: الأهلي عمل صفقات في بداية الموسم تخوف.. كلنا اتخضينا وشعرنا بقلق.
وواصل: الأهلي في بطولة كأس العالم للأندية كانوا هايلين، كانوا عاملين مباريات كويسة جدا.
وأوضح: الأهلي فيه لعيبة كويسة جدًا، بس فيه شرخ حصل في النادي الأهلي، لما اتعاقد النادي مع لاعيبة بـ مبالغ كبيرة، وفيه لاعيبة كانت عايزة تاخد نفس المبالغ وماخدتش، فده طبيعي لأننا إحنا بشر، وطبيعي هيكون فيه الروح الـ مش حلوة في أوضة اللبس.
وأكمل: لازم يكون في عدالة في أوضة اللبس وده مش موجود في الأهلي، والخصم عمره ما هيحل، الـ يحل العدالة، العدالة في التوزيع، نادي الزمالك العدالة موجودة طبيعي، غصب عننا موجودة.
وأكد: سقف الطموح اللي كان موجود بداية الموسم، لما النادي الأهلي توج بـ السوبر المصري، وعمل صفقات، قولنا النادي الأهلي هيكتسح، فـ سقف الطموح علي جدًا، ولما بدأ إن يبقى في نتائج، الضغوط انتقلت من الزمالك إلى الأهلي بشكل غير طبيعي.
وأتم: زمان في النادي الأهلي كان فيه لعيبة تقدر تحل مشكلة في الملعب أو توجدلك حلول، كـ وليد صلاح الدين وأبو تريكة، وبركات، لكن دلوقتي الأهلي بيلعب " بسيمارتية واحدة " الـ هي الطريقة الجماعية الـ بدون مهارة، الـ فيها عافية، الدنيا مفهاش تاكتك تقدر تشوفه في الملعب، مفيش جملة، وكل ده يعتمد على القدرات الفردية.
