معتمد جمال مدرب الزمالك بعد الخسارة من الأهلي: لدينا مباراتان بـ6 نقاط نكسبهم ونتوج بالدوري
تحدث معتمد جمال المدير الفني لفريق الزمالك، عن خسارة فريقه امام نظيره الأهلي في اللقاء الذي أقيم بين الفريقين ضمن منافسات مسابقة الدوري الممتاز 2025 - 2026.
وخسر الزمالك من نظيره الأهلي، في إطار مواجهات الجولة الـ 5 في مجموعة التتويج لمسابقة الدوري الممتاز بنتيجة 3-0.
تصريحات معتمد جمال مدرب الزمالك
وقال معتمد جمال خلال المؤتمر الصحفي بعد نهاية اللقاء: الماتش سيئ ونتيجة أسوأ، مكناش عاملين حسابنا على النتيحة دي، الأداء مكانش أحسن حاجة.
وواصل: الماتشات الكبيرة زي دي مينفعش يكون فيها أخطاء فردية.
واستكمل معتمد جمال: ضيعنا ضربة جزاء في بداية الشوط الثاني كانت نقطة التحول للمباراة، كان ممكن النتيجة تبقى اعلى من كدا و" باد لك " بالنسبة لنا، مضيفًا: أكتر حاجة مضيقاني الجماهير، كان نفسي تروح مبسوط، وبإذن الله ناخد الدوري.
وزاد: أي حد عادي بيضيع ضربات جزاء، وحسام عبد المجيد هو رقم واحد في الترتيب ومش هيتغير، مستكملًا: حتى لو كنا كسبنا المباراة مكانش هنبقى لسه أبطال الدوري، أي فرقة هيدخل فيها جولين في أول نص ساعة لازم تحس بإحباط، وأول ربع ساعة كنا أحسن.
واستطرد مدرب الزمالك: من أول الدوري وإحنا علينا ضغوط، ومش معنى إننا خسرنا يبقى مش متعودين عليها.
واختتم: عندنا ماتشن بـ 6 نقط نكسبهم وناخد الدوري، وهنشوف نقط ضعفنا وهنعالجها، وهنفضل نحارب على تيشيرت الزمالك.
