حياتي في خطر.. الفنانة إيرينا يسري تستغيث من معجب يطاردها
استغاثت الفنانة إيرينا يسري، من معجب يطاردها في كل مكان تتواجد فيه، موضحة أن هذا الشاب يطاردها بعد ظهورها في مسلسل كلهم بيحبوا مودي، حيث طالبت الفنانة الجهات المختصة بحمايتها من الخطر التي تواجهه بشكل يومي.
وكتبت إيرينا يسري منشورا، عبر حسابها الشخصي بموقع إنستجرام، قالت فيه: أنا حياتي في خطر، أنا أول مرة في حياتي أكتب حاجة بالشكل ده، ودايمًا محافظة على خصوصية حياتى الشخصية بس لما الأمر يهدد حياتي ومستقبلي والناس المحيطين بيا، فأنا مش قادرة الصراحة أسكت عنه.. من ساعة ما أخدت لقب ملكة جمال ودخلت أول مسلسل ليا في التمثيل، وفي شخص اسمه بلال بيتابعني وبيكتبلي كومنتات غريبة جدًا، يبان إنه مُختل، وفاكر إن هو مودي وأنا لارا ومصدق ده من ضمن احداث المسلسل.
وتابعت: كنت باخد الموضوع بضحك زي أي معجب، الموضوع أتطور إنه بيعرف أنا موجودة، فين ويجيلي عند المكان اللي أنا فيه، ومعاه خاتم ويقولي ده خاتم جوازنا!، الموضوع يبان كوميدي وبيضحك لأي حد مستمع وممكن الموضوع ميتصدقش، إنما أنا عاملة سكرين شوت لكل كلامهن واعترفاته بملحقته ليا فى الأماكن والتهديدات وأنا مصوراه بموبايلي وهو قدام عربيتي وبيهددني إن أي حد يقرب مني هيقتله.
وأضافت: لدرجه إنه تعدى على السواق الخاص بي بالضرب، وجري لما كنا هنكلم الشرطة، أنا معرفش بيعرف الأماكن اللي أنا فيها إزاي، الموضوع وصل بيا إن من خوفي لما أشوفه قدامي بيغم عليا في الشارع.
