عصام كاريكا عن قلة ظهوره: ساندت الكثير في بدايتهم.. وأخاف من السلام البارد
كشف الفنان عصام كاريكا سبب قلة ظهوره، مؤكدًا أن مخاوفه من لقاء بعض زملائه في الوسط الفني بعد فترة غياب طويلة، هو ما يجعله يتردد في الظهور.
عصام كاريكا عن قلة ظهوره: ساندت الكثير في بدايتهم
وقال عصام كاريكا خلال ندوته في القاهرة 24: بخاف أظهر وأشوف زملائي اللي كنا قريبين دلوقتي بعد فترة مشفتهمش فيها، فبقلق لما أسلم عليهم يطلع سلامهم مش بالعشم اللي في دماغي.
كما أضاف: يمكن العشم واخدني بسبب وقوفي معاك في بداياتك، كانت وقفة أبوك موقفهاش معاك، يعني ليا عشم عندك كبير ولو سلمت عليا مش بعشم، هموت فيها.
أعمال عصام كاريكا
في سياق آخر، يواصل عصام كاريكا تحضير برنامج جديد من المقرر أن يعلن عنه خلال الأيام القليلة المقبلة، خاصة وأنه سيحمل العديد من المفاجآت، وقال كاريكا في تصريح خاص لـ القاهرة 24: أقدم برنامجا جديدا على شاهد نكشف من خلاله كواليس صناعة العديد من الأغاني التي قدمتها خلال السنوات الماضية، بالإضافة لـ فيديوهات خاصة تعرض لأول مرة.
وتطرق عصام كاريكا في حديثه عن تعاونه مع الهضبة عمرو دياب في أغنية وهي عاملة إيه دلوقت، معلقًا: عملت مع عمرو دياب أغنية وهي عاملة إيه دلوقت، عدّى عليها 26 سنة، وبعد الأغنية دي ما شوفتوش ولا مرة، ولا كلمني، وأخاف أبعت له غنوة ميردش عليا، هموت فيها.
