ياسر جلال: مفيش ممثل بياخد 50 مليون جنيه.. واللي معاه عقد ينشره
رد الفنان ياسر جلال على الجدل المثار في الفترة الأخيرة، بشأن حق الأداء العلني، والحديث حول حصول بعض الفنانين على 50 مليون جنيه أجرًا عن أعمالهم الفنية، مؤكدًا أن ما يقال عن أجور الفنانين ليس دقيقًا.
وقال الفنان ياسر جلال في تصريحات لـ القاهرة 24: مفيش ممثل بياخد 50 مليون جنيه، واللي معاه عقد ينشره ونعرف هو مين، الفنان اللي بياخد أجر كبير بيجيب للمنتج قده خمسين مرة علشان كده بيديله الأجر ده.
وأضاف الفنان ياسر جلال: معظم أجور النجوم متوسطة وهم لا يتجاوزون 10 أو 15 نجمًا ونجمة والباقي أجورهم قليلة، موضحًا: الفنان يُخصم من أجره ما يقارب 40% ضرائب.
ياسر جلال: مفيش ممثل بياخد 50 مليون جنيه
وواصل ياسر جلال: الفنان يُنفق على مظهره وملابسه وحياته بما يتناسب مع مكانته ونجوميته، مضيفًا: القنوات التليفزيونية والمنصات الرقمية هي المسؤولة عن سداد حق الأداء العلني وليس المنتج.
وأكمل ياسر جلال: فيه فنانين بيموتوا علشان مش معاهم فلوس، وحق الأداء العلني وُجد لحماية الفنانين لإيجاد مصدر دخل مناسب مع التقدم في العمر، وهو مبلغ ضيئل جدًا، ولكن مع تعدد المحطات الفضائية والمنصات يصبح الدخل كبير، وتُخصم من المبالغ المُحصلة ضرائب ورسم نسبي للنقابة وهذا مفيد للدخل القومي المصري وللأعضاء.
