كريم عبد العزيز: مفيش حاجة اسمها نمبر وان.. وأصبت بـ قطع في السمانة خلال تصوير فيلم 7DOGS
كشف الفنان كريم عبد العزيز، تفاصيل الإصابات التي تعرض لها خلال تصويره فيلم 7DOGS، موضحًا أنه خضع لتدريبات لمدة 3 أشهر قبل بدء تصوير العمل، مؤكدًا أن الأكشن يعتمد في المقام الأول على قدرة الممثل، بجانب الكشف عن رأيه جدل النجم الأول.
وقال كريم عبد العزيز، خلال مؤتمر عرض فيلم 7DOGS: فيلم 7DOGS كان محتاج مجهود بدني مختلف عن الأفلام اللي عملتها، وقالولي أتمرن قبل تصوير الفيلم بـ 3 شهور قولتلهم أنا مش ملاكم، ولما صورت لاقيت أني محتاج 3 شهور كمان.
وتابع كريم عبد العزيز: الأكشن محتاج لياقة بدنية وصحة ومختلف عن أي أدوار نفسية، الأكشن معتمد على إمكانية الممثل وعدم خوفه ولياقته البدنية، وحصل لي قطع في السمانة في بعض المشاهد، مسخنتش كويس وكان المفروض أفتح سبرينت فجأة من ثبات لـ فجأة جامد فحصلي إصابة.
أما عن جدل نمبر وان، فعلق كريم عبد العزيز: مفيش حاجة اسمها نمبر وان من وجهة نظري الشخصية، مع احترامي لزملائي، ولكننا مشفناش ده في أمريكا، في فيلم النهاردة عامل إيرادات عالية وفيلم السنة اللي بعدها عامل إيرادات أعلى، دي حاجة مش بتاعتي ولا مدرستي أنا راجل بشتغل والتوفيق من عند ربنا.
