محمد عساف: أخدت قرار الاعتزال بعد أول شهر من العدوان على غزة.. وفنان رفض مشاركتي في لجنة تحكيم The Voice Kids
تحدث المطرب الفلسطيني محمد عساف عن قرار اعتزاله الفن خلال السنوات الماضية، بجانب الحديث لأول مرة عن رفض نجم أو نجمة على حد تعبيره، لـ مشاركته في برنامج اكتشاف المواهب الشهير The Voice Kids قبل فترة انتشار مرض الكورونا.
وقال محمد عساف، في تصريحات تليفزيونية: في سنة من السنوات كلموني أكون عضو لجنة تحكيم في ذا فويس كيدز، وأنا فرحت أن دي حاجة محصلتش، لأن حد من الفنانين قال لو محمد عساف في اللجنة أنا مش هكون موجود، السنة دي كان فيها كاظم الساهر ونانسي عجرم وتامر حسني.
وأضاف محمد عساف: مش متأكد مين النجم اللي رفض، ولكن حد قال محمد عساف لأ، لو هو موجود أنا لأ، وأنا مش عارف السبب وعمري ما كان في مواقف بيني وبين حد، هو مش كاظم الساهر، أنا زعلت من موقف الشخص نفسه لأن أنا عملت إيه؟، ولكني ارتحت لأني كنت هبقى في موقف انتقاد.
أما عن قرار اعتزاله، أكمل محمد عساف: الظرف كله اللي حصل من العدوان على غزة ساب عندي إحباط، وكرهت كل شيء حتى الفن، ولهذا أخدت قرار الاعتزال 3 سنين وده أقل شيء، ومن أول شهر في بداية العدوان كنت أخدت القرار بالاعتزال، حتى فكرت إن أغنيتي الفلسطينية اللي بتحاول توري العالم ولكن اللي حصل كان أكبر مني بكتير، وبقيت مش قادر غير أني أتكلم على السوشيال ميديا، كان صعب عليا أتكلم وأمارس نشاطي الفني لأن دول أهلي.
