هند صبري: حنان ترك كانت نجمة أكبر مني ومن منة شلبي في أحلى الأوقات.. وعمرنا ما شفنا إننا اتساوينا بيها
تحدثت الفنانة هند صبري، عن تأثير مواقع التواصل الاجتماعي وظاهرت البلوجرز على الوسط الفني، معربة عن استيائها بسبب مقياس عدد المتابعين بمواقع التواصل الاجتماعي مقارنة بجماهيرية ونجومية الفنان، مستشهدة بمثال حول تعاونها مع الفنانة منة شلبي، وحنان ترك في فيلم أحلى الأوقات، موضحة أن ترك كانت أكثر نجومية وقتها.
وقالت هند صبري، في تصريحات تليفزيونية: الناس بقت تشوف طرق أقصر كتير من أنك تشتغل وتحترم شغلك، السوشيال ميديا قصرت وسهلت الطريق لناس ممكن تكون مش أفضل ناس ولا نفسيات، المهن كلها اتغيرت مش مهنة الفن بس.
وتابعت هند صبري: السوشيال ميديا خلت يبقى في عدم احترام لتاريخ وشغل الواحد، الروس اتساوت ودي مش حاجة حلوة، أنا ومنة شلبي نفس الجيل وتعبنا علشان نوصل، وكان في احترام غير طبيعي لأساتذتنا لو أكبر مننا بـ سنة، إحنا عملنا أحلى الأوقات مع حنان ترك كانت أقدم مننا ونجمة أكبر مننا أنا ومنة شلبي، هل ممكن نشوف أننا اتساوينا بـ حنان؟، مستحيل.
وأضافت هند صبري: النهاردة بقت أنا عندي متابعين أنتي مين؟ أنا تعبت علشان أوصل للي أنا فيه، احترام الوقت والمهنة والصناعة تلاشى شوية، وبقينا سمك لبن تمر هندي شوية.
آخر أعمال هند صبري
ومن ناحية أخرى، عادت الفنانة هند صبري، إلى موسم رمضان من جديد بعد فترة من الغياب، حيث قدمت مسلسل مناعة في موسم رمضان الماضي 2026، ويشارك بجانب هند صبري عدد من الفنانين من بينهم أحمد خالد صالح، خالد سليم، مها نصار، محمد أنور، هدى الأتربي، رياض الخولي، حمد صلاح حسني، أحمد الشامي، كريم قاسم، ميمي جمال، عماد صفوت، دهب أبو الدهب، احمد فهيم، أحمد حبشي، طارق سليمان، والعمل من تأليف عباس أبو الحسن،عمرو الدالي، ومن إخراج حسين المنباوي.
