رسالة مؤثرة من شقيقة محمد صلاح قبل خوضه مباراته الأخيرة مع ليفربول
وجهّت رباب صلاح شقيقة النجم المصري محمد صلاح رسالة خاصة إلى الفرعون المصري قائد الفراعنة ونجم ليفربول الذي يخوض مباراته الأخيرة اليوم مع الريدز على ملعب أنفيلد.
رسالة مؤثرة من شقيقة محمد صلاح قبل خوضه مباراته الأخيرة مع ليفربول
وقالت رباب صلاح عبر حسابها الرسمي على إنستجرام: أنا مش عارفة المفروض أبقى حاسة بإيه النهارده، بس اللي متأكدة منه إنها أحاسيس متلخبطة ومتداخلة وسايحة على بعضها كده.. فخر وحب وتوتر وزعل وقلق.. كتير كتير.. قد إيه كانت رحلة طويلة ومتعبة وجميلة ولطيفة وصعبة، بجد كله على بعضه، مش قادرة أحدد إحساسي.
وأضاف: بس حابة أقول لمحمد شكرًا.. شكرًا إنك حسستنا إننا نقدر نعمل أي حاجة.. شكرًا إنك كنت وما زلت، وهتفضل إن شاء الله، فخر ليا ولولادي طول العمر.
وأشارت رباب صلاح: بحبك جدًا جدًا، أخويا الصغير اللي كانت إيدي في إيده وإحنا صغيرين، ولما كبر وبقى يسافر وهو عنده 12 سنة، فاكرة قلقي عليك وخوفي اللي ما زال لحد النهارده زي ما هو.. دايمًا إحساسي بيك كان مختلف.. من قلق وخوف وتوترك وتفكيرك، كل ده كنت باخد بالي منه أكتر من النجاح اللي ظاهر ومحدش عارف كواليسه.
واختتمت: ربنا يحميك ويحفظك ويبارك فيك ويوفقك في اللي جاي يا أخويا، وصاحب عمري، وصاحب مشوار حياتي.
