عمرو جمال: عبد الله السعيد مكمل في الملاعب حتى الآن بسبب نظام محمد صلاح الغذائي
أكد عمرو جمال مهاجم حرس الحدود الحالي والأهلي السابق، أن مواطنه محمد صلاح نجم ليفربول يُعد أسطورة حقيقية جعلت الأحلام ممكنة لكل اللاعبين الشباب.
تصريحات عمرو جمال
وقال عمرو جمال في تصريحات تليفزيونية: أول مرة قعدنا أنا وصلاح كانت سنة 2009، أنا كنت جاي من الألمنيوم وهو من المقاولون العرب.
وأضاف: كان طموحي ألعب في نادي كبير في مصر، لكنه فاجئني وقال إن حلمه كان الاحتراف في أوروبا من البداية، وكان دايمًا شايف نفسه هناك.
وواصل: صلاح صدّق نفسه، والمسيرة اللي عملها لازم تتدرس بكل تفاصيلها لأنها مهمة جدًا لجيل كامل.
وأردف: صلاح مغيرش هويته ولا أخلاقه، وفرض نفسه كواحد من أساطير الكرة العالمية، والناس مش هتتكلم عنه إلا باعتباره أسطورة بالفعل.
وأكمل عمرو جمال: صلاح على تواصل دائم مع كل زملائه السابقين، ومفيش أي تغيير في شخصيته.
وأكد: هو دايمًا بيقعد مع اللاعبين، وبيجيب هدايا لكل زميل جديد ينضم للمنتخب، وبيكون أول واحد يستقبلهم.
واختتم: صلاح بياخد دروس نفسية وسيكولوجية، واللي مخلي عبد الله السعيد مكمل في الملاعب حتى الآن هو تطبيق نظام محمد صلاح الغذائي.
