بلاش توجعوا حد متعرفوش ظروفه.. لمياء فهمي عبد الحميد ترد على انتقادات ظهورها برموش اصطناعية خلال الحج
ردت الإعلامية لمياء فهمي عبد الحميد، على الانتقادات التي طالتها بعد ظهورها بـ رموش اصطناعية وأظافر طويلة خلال تواجدها بالمسجد النبوي الشريف، قبل توجهها لأداء مناسك الحج.
وقالت لمياء فهمي عبد الحميد، في فيديو عبر حسابها بـ انستجرام: مقدرتش مردش بصراحة، كل الناس والشيوخ قالولي مترديش على حد، ومش مطلوب مني أبرر حاجة لحد لأني بتعامل مع ربنا اللي أذن لي بالزيارة وجابني في أجمل مكان في الكون، ولكني أتضايقت واستغربت أننا وصلنا لكده، الناس اللي بتقول أني حاطة ميك آب، إيه الميك آب اللي هحطه وأنا عند الرسول وفي بيت ربنا وليه؟ حتى وحشة أو حلوة مش فارقة.
وأضافت لمياء فهمي عبد الحميد: بالنسبة للرموش أنا ليا ظروفي ومش عايزة حد يعرفها ومش موضوعكم تعرفوها، ركزوا في حالكم ولما تحرجوا حد أو توجعوه بكلمة وأنتم متعرفوش ظروفه، كل يوم بنقول الكلام ده على الشاشات ومفيش فائدة، أنا هدعي لكم عند الرسول ربنا يراضيكم ويكرمكم بخير الدنيا والآخرة.
لمياء عبد الحميد: أجريت عملية الزائدة والتكميم بعد صلاة الاستخارة
وعلى جانب آخر، كانت لمياء فهمي عبد الحميد علقت في وقت سابق، عن استيائها الشديد بعد شائعات إصابتها بـ ورم خبيث، حيث نشرت لمياء عبر حسابها الشخصي على موقع تبادل الصور والفيديوهات إنستجرام، فيديو تكشف من خلال تفاصيل إجرائها عمليتين وهي تكميم المعدة والزائدة، قائلة: أجريت عملية الزائدة والتكميم معا بعد صلاة الاستخارة، أنا بخير الحمد لله ربنا أكرمني وأتم عليا الشفاء، ونزلت النهاردة أول يوم البرنامج بتاعي ورجعت الشغل، والله ما عندي كانسر الحمد لله، وبطلوا الكلام ده حاجة مش لطيفة.
