مكنتش هسيبهم يموتوا | بطل سوهاج يروي تفاصيل إنقاذ 6 عمال من حريق مطعم.. ومتابعو السوشيال ميديا يطالبون بتكريمه
روى عادل الدرس، 41 عامًا، ابن قرية سلامون التابعة لمركز طما شمال محافظة سوهاج، تفاصيل موقفه البطولي بعدما خاطر بحياته وتمكن من إنقاذ 6 عمال من داخل مطعم اشتعلت به النيران قبل يومين.
بطل من سوهاج
وقال عادل: "كنت رايح أصلي الفجر زي كل يوم، وفجأة سمعت صريخ جامد وشوفت نار طالعة للسما، جريت ناحية المكان ولقيت العمال محبوسين جوه والنار ماسكة فيهم".
وأضاف: "مفكرتش في نفسي، مسكت طفاية وحاولت أطفي النار اللي عند الباب علشان أعرف أدخل، ولما دخلت لقيت العمال هدومهم مولعة والنار في أجسامهم".
وتابع: "فضلت أطفي فيهم واحد واحد لحد ما خرجتهم بره، وبعدها دخلت تاني وطلعت 3 أسطوانات بوتاجاز من المطعم قبل ما تنفجر وتحصل كارثة كبيرة".
وأشار عادل إلى أنه أُصيب بحروق في الوجه واليدين والقدمين خلال عملية الإنقاذ، قائلًا: "الحمد لله إن ربنا قدرني أساعدهم، ومكنتش هسيبهم يموتوا قدامي ومكنش فئة غيري في الشارع".
وأوضح أن شقيقه علاء تولى نقله والمصابين إلى مستشفى بأسيوط لتلقي العلاج، بينما لا يزال عدد من العمال يخضعون للعلاج حتى الآن.
واختتم حديثه قائلًا: "أنا معنديش شغل ثابت وبصرف على 3 أولاد في التعليم، لكن الحمد لله على كل حال، وأهم حاجة إن الشباب خرجوا بخير".
وطالب متابعوا السوشيال ميديا بتكريم عادلمعتبرينه نموذجا يحتذى به بعدما غامر بحياته من أجل إنقاذ الآخرين.
