حابب أشتغل معاك.. تركي آل الشيخ يدعم الملحن نادر نور بعد شكواه من قلة العمل

دعم المستشار تركي آل الشيخ، الملحن نادر نور، وذلك بعد إعلان الأخير أنه يعيش حاليًا فترة صعبة خاصة بعد قلة الأعمال.

وعلق تركي آل الشيخ، على منشور الملحن نادر نور عبر حسابه الشخصي على موقع التواصل الاجتماعي فيسبوك، حيث كتب: أنت فنان كبير وأحب أشتغل معاك.

تركي آل الشيخ يدعم الملحن نادر نور بعد شكواه من قلة العمل

وكان ذكر الملحن نادر نور عبر حسابه الخاص على فيسبوك، أنه يعيش حاليًا فترة صعبة خاصة بعد قله الأعمال التي يقدمها، حيث كتب: بعتذر لكل الناس اللي بتبعتلي كلمات أغاني من فضلكم متبعتوش ثاني.. معنديش مشاريع شغال عليها ولا نجوم بتسمع مني أغاني ولا عندي حاجة أقدر أساعدك بها لأني ببساطة محتاج اللي يساعدني.

وأضاف: للناس اللي بتتهمني بالكسل والتقصير أنا فعلا بعدت فترة لأسباب شخصية وبحاول أرجع من 3 سنين ومش عارف.. مسيبتش باب مخبطتش عليه.. فقدت التواصل مع الأغلبية العظمى داخل الوسط الغنائي منهم نجوم اشتغلت ونجحت معاهم ومنهم اللي بحاول أشتغل معاه للمرة الأولى.. ومنهم اللي عشرة عمر ومشوارنا بدأناه مع بعض وأحلام حلمناها ونجاحات حققناها سوا، واللي بيرد على التليفون مرة مبيردش تاني وبقيت أحس بالرفض وعدم التقبل وأنه مش متعود أزن على حد أو أطلب الحاجة أكثر من مرة بشكل يقلل مني ومن احترامي لنفسي بعد كل اللي قدمته حتى لو كان قليل فهو كبير من وجهة نظري.

واختتم: أخيرًا معنديش مشاكل مع حد ولا بكتب الكلام ده لكسب تعاطف حد، وكل الاحترام والتوفيق لزملائي أنا مش زعلان من حد.