أول تعليق من مجلس الزمالك على عقوبة إيقاف القيد بسبب قضية صلاح مصدق
علق أحمد سليمان عضو مجلس إدارة نادي الزمالك على عقوبة إيقاف القيد التي تم توقيعها على النادي من الاتحاد الدولي لكرة القدم فيفا بسبب القضية المرفوعة من صلاح مصدق لاعب النادي السابق.
وفي تصريحات عبر شاشة mbc masr قال أحمد سليمان: قرار صلاح مصدق ده طالع من يوم 9 أبريل الماضي يعني داخلين على شهرين.. ليه طلع إمبارح؟.. يقولك أصل المعلومة وصلتني إمبارح.. بالذمة ده كلام.
وأضاف أحمد سليمان: هو الكلام كله لازم يبقى عن الزمالك ما أنت عندك أندية برضو عليها مشاكل وفيه عقود وفيه مدربين هتمشي ومدربين هتيجي.
وعلق أحمد سليمان على احتمالية حرمان نادي الزمالك من رخصة المشاركة الإفريقية بسبب قضايا إيقاف القيد الموقعة على النادي، قائلا: كل الكلام ده سراب.. أتمنى الناس تهدى شويه عندنا شهرين لسه لآخر يوليو المقبل وفيه شغل هيحصل من مجلس الإدارة وفيه شئون قانونية وفيه تسويات هتحصل.
وواصل أحمد سليمان قائلا: إحنا عايزين نهيئ لنادي الزمالك وضع هادي للفترة المقبلة.. أنا مش عايز أعمل مقارنات الأهلي بكل الصرف اللي عمله ده وطالع بموسم كارثي وصفري ومحدش كان متوقعه.
وأردف عضو مجلس الزمالك: ما الكل عارف إن الزمالك عنده مشاكل سيبني أحلها طيب.. إحنا الظروف صعبة أوي.. سبني اشتغل طيب لما أبقى محلهاش اتكلم يا سيدي.
