بعد أزمة الملحنين والمطربين.. نادر حمدي: لو المغني ماردش عليك ابعتها لحد صوته حلو
حالة من الجدل أثيرت في الأيام الأخيرة، بعد تصريحات الملحن نادر نور، عن أن هناك بعض المطربون لا يردون على الأعمال التي يقترحها عليهم الملحنون، وهو الأمر الذي أصبح حديث مستخدمي مواقع التواصل، بسبب شكوى الملحنين من هذا الأمر المتكرر من النجوم.
نادر حمدي للملحنين: لو المغني ماردش عليك ابعتها لحد صوته حلو
وفي هذا الصدد، وضع الموزع الموسيقي نادر حمدي حلًا لتلك القصة، حيث اقترح فكرة عبر حسابه الشخصي بموقع التواصل الاجتماعي فيس بوك، قال فيها: الموضوع بقى سهل أوي، دلوقتي لو المغني اللي بتبعتله ماردش عليك أو مش عاجبه الأغنية، وأنت مقتنع بيها هات حد صوته حلو تعرفه واعمله الأغنية ونزلوها.
وأضاف نادر حمدي: ماحدش عارف ممكن تبقوا أنقذتوا الصناعة وزودوا عدد المطربين الكويسين وهتتنسب ليك في النهاية.
ويأتي ذلك بعد، أن أوضح نادر نور سبب ابتعاده عن الساحة الفترة الماضية، ولماذا لا يتعاون معه بعض الفنانين، إذ كتب عبر حسابه الشخصي بـ فيس بوك: بعتذر لكل الناس اللي بتبعتلي كلمات أغاني من فضلكم متبعتوش ثاني.. معنديش مشاريع شغال عليها ولا نجوم بتسمع مني أغاني ولا عندي حاجة أقدر أساعدك بها لأني ببساطة محتاج اللي يساعدني.
وأضاف: للناس اللي بتتهمني بالكسل والتقصير أنا فعلا بعدت فترة لأسباب شخصية وبحاول أرجع من 3 سنين ومش عارف.. مسيبتش باب مخبطتش عليه.. فقدت التواصل مع الأغلبية العظمى داخل الوسط الغنائي منهم نجوم اشتغلت ونجحت معاهم ومنهم اللي بحاول أشتغل معاه للمرة الأولى.. ومنهم اللي عشرة عمر ومشوارنا بدأناه مع بعض وأحلام حلمناها ونجاحات حققناها سوا، واللي بيرد على التليفون مرة مبيردش تاني وبقيت أحس بالرفض وعدم التقبل وأنه مش متعود أزن على حد أو أطلب الحاجة أكثر من مرة بشكل يقلل مني ومن احترامي لنفسي بعد كل اللي قدمته حتى لو كان قليل فهو كبير من وجهة نظري، أخيرًا معنديش مشاكل مع حد ولا بكتب الكلام ده لكسب تعاطف حد، وكل الاحترام والتوفيق لزملائي أنا مش زعلان من حد.
