“التمر والقهوة”.. دليلك لأداء التمارين الرياضية بعد الإفطار في رمضان (صورة)
شارك خبير التغذية والرياضة إسلام إدريس، الشهير بـ”سفاح الفات”، متابعيه بنصائح لأداء التمارين الرياضة في رمضان على صفحته بموقع “فيس بوك”.
وكتب “إدريس”: “ناس كتير لظروف يومها وارتباطاتها شغل أو عائلية وحتى قدرتها الصحية ماتقدرش تتمرن غير بعد الإفطار مباشرة، طيب انت تقدر تتمرن في خلال أقل من نص ساعة بعد آذان المغرب”.
وأضاف، “تاخد ربع أو نص جرام كارب سريع الامتصاص لكل كيلو من وزنك، فلنفرض وزنك ١٠٠ ك يبقي تاخد من ٢٥ ج لـ٥٠ ج، ايه هو الكارب السريع التمر، الموز، العسل، التمرة الواحدة مثلا ٥ ج كارب و ٢٠ سعر حراري”.
وتابع، “استخدم أي تطبيق يحسبلك كل ثمره فيها قد أيه، ومعاه قهوة وأهم حاجة فيهم كلهم المياه، مش أقل من نص لتر مياه قبل ماتروح التمرين، ونص لتر أثناء التمرين، تقدر تاخد الأكل ده وتروح التمرين في خلال ٢٠ لـ ٣٠ دقيقة وبعد التمرين الوجبة المتكاملة بروتين نشويات ودهون صحية”.
واختتم كلامه:”لكن مفيش حاجه اسمها اتمرن حديد وأوزان وتمرين مكثف أثناء الصيام، وبرضه ما ينفعش تاكل وجبة إفطار تقيله وتروح تتمرن في أقل من نص سرعة أو ساعة”.
دار الإفتاء: موزعو التمر والمشروبات على الصائمين لحظة الإفطار أصحاب أجر عظيم (فيديو)
