العسيلي يحرج معجب طلب التصوير معه فى حفلته: “أنت معاك واسطة”؟! (فيديو)
شن عدد من رواد مواقع التواصل الاجتماعي هجومًا كبيرًا على المطرب محمود العسيلي، عقب تداول فيديو له من إحدى حفلاته يرفض فيه التقاط صورة مع أحد معجبيه.
وانتشر فيديو للمطرب محمود العسيلي في إحدى حفلاته وهو يوجه الكلام لمعجب طلب التصوير معه: “حضرتك معاك واسطة عشان اتصور معاك يعني، اشمعنى هتصور معاك، ليرد عليه المعجب “عشان بحبك”، فيرد عليه العسيلي: يعني انت بتحبني وباقي الناس اللي في الحفل لأ، ماهو أنا لو اتصورت معاك يبقى هتصور مع الناس اللي موجودة دي كلها”.
“أمي شعرها أكرت.. وأنا كنت زيها قبل ما أقرع”.. العسيلي يعتذر لصاحبات الشعر الكيرلي (صورة)
استجاب الفنان محمود العسيلي للدعوات المطالبة باعتذاره، وذلك بعد رده على تصريحات الفنانة اللبنانية ميريام فارس ووصفها بـ”الكارته”.
وكتب العسيلي عبر صفحته بموقع “فيسبوك” : “إلى كل البني آدمين اللي شعركوا كيرلي أو اكرت احب اقولكو ان أمي شعرها أكرت و أنا كنت اكرت قبل ما أبقى اقرع، باعتذر لو سببت آي حساسية.. الموضوع مالوش أي دعوه بشعركوا التحفة الجميل اللي ربنا خلقه كدا”.
وأضاف: “و انا بأحب الشعر الكيرلي و اول حب في حياتي كان شعرها كيرلي و ممكن اعمل أغنية عن الشعر الكيرلي.. الحمد لله العنصرية عمرها ما كانت من صفاتي .. كلنا بني آدمين سواسية ربنا خلقنا كلنا زي بعض فينا من جماله و خلقه و اختلافنا قي الشكل و في الفكر و في الدين و في الثقافة بيحلينا اكتر مش بيوحشنا.
وتبع العسيلي: “.كل ما في الأمر ان واحده كارته وخنفة نسيت نفسها و اتريقت على مصر و الناس اللي بيشتغلوا في مصر فقلت ارد عليها بالطريقة البلدي بتاعتنا اللي احنا كلنا عارفينها و الموضوع مالوش دعوة بشعر أو خنفة حضراتكو خالص”.
وكرر المطرب اعتذاره: “وأنا اسف مره تانية و يا ريت نشير في الخير عشان نحاول نوقف إسهال الهري و شكرا”.
كان محمود العسلي، غرد عبر “تويتر” بعد تصريحات ميرريام فارس قائلا: “كارته وخانفة .. عشان كدا إنتي تقيلة على مصر”، وانهالت عليه تعليقات الجمهور من المصريين والعرب، ساخرين من التدوينة وكانت أغلب التعليقات، “تم قصف الجبهة بنجاح”.
