ريهام سعيد: “رجعت لحياتي الطبيعية بمعجزة بفضل دعواتكم” (صورة)
نشرت الاعلامية ريهام سعيد، عبر حسابها الرسمي على موقع تبادل الصور “انستجرام”، صورة جديدة لها بعد تعافيها من أزمتها الصحية الاخيرة.
وعلقت ريهام على الصورة قائلة: “الدكتور سمح لي بالعودة لحياتي الطبيعيه، وبيقول لي ده حصل معجزه، المعجزه دي حصلت بدعاءكم، بجد شكرا”، مؤكدة تمام شفائها من خلال دعم الجمهور لها.
ياتي ذلك بعد إعلانها عن إصابتها بمرض خطير في الوجه، هدد حياتها في الأيام الأولى من اكتشافه، حتى تخطت مرحلة الخطر.
وكانت الإعلامية ريهام سعيد، قد نشرت تسجيلًا صوتيًا كشفت فيه عن حالتها الصحية في وقت سابق، بعدما أعلنت عن المرض الذى أصابها قبل أيام، لافتة إلى أن هناك مشاكل صحية أدت إلى تدهور الحالية.
وقالت ريهام سعيد فى التسجيل الصوتى، والذى نشرته عبر حسابها الشخصى على الفيس بوك، نفت خلاله إصابتها بمرض جلدي، قائلة: “أنا فى حاجات كتير عايزة اتكلم عنها بس هتكلم عنها بعدين باستفاضة معنديش مرض جلدي، ووشي مبيقعش وأنا صحياً أحسن هتكلم فى حلقة على الحياة”.
وأضافت:”باختصار شديد معنديش مرض جلدى ووشى مش بيقع، وأول مرة أحس أن الناس مهتمة بالتفاصيل الطبية دى معرفش ليه، اتهام البعض أنى بمثل أنى عيانة، وهرد عليها أن شاء الله، أنا باختصار عشان حصلى مشاكل الـ4 سنين اللى فاتوا، وكنت بتظاهر بالقوة والصمود، ومصممة أنى أكمل عشان ولادى، والناس اللى فى رقبتى”.
وأشارت:”الأمراض أثرت على جهاز المناعة وممكن ألقط أى مرض بسهولة جالى ميكروب فى الحتة اللى جنب مناخيرى ودى تسمى مثلث الموت، وصعب تتعالج بأدوية لأن المكان ده مش بيوصل الدم، وعملت عملية شلت مناخيرى بالغضاريف والعضم، وكان المفروض أفضل مناخيرى مشوه، وربنا رزقنى بدكتور أنقذ حياتى وعمل مناخير جديدة أخذ غضاريف من الودن”.
وأردفت:”ما زال حياتى مهددة بالخطر من هذا الميكروب منعرفش أذا كان لسه موجود ولا لا ومن خطورته أنه ممكن أن يصل للمخ، ومش معنى أنى نزلت الشارع يبقى خفيت، وكان مطلوب مني الراحة التامة، بقالى شهرين تعبانة وبعانى من كده”.
