السيسي متحدثًا عن الإعلام والمحتوى: “هناك وجوه جديدة وفيه تغيير خلال 3 سنوات”
قال الرئيس عبد الفتاح السيسي، إن قطاع الإعلام لم يتطور منذ سنوات طويلة ولا يحقق المطلوب منه، مشيرًا إلى سعي الدولة في النهوض بهذا القطاع الهام.
وأضاف السيسي خلال جلسة “اسأل الرئيس” في مؤتمر الشباب: “الإصلاح واجب لقطاع الإعلام، وده مش معناه إساءة لأي شخص، لكن يا ترى المنظومة الإقتصادية للإعلام عندنا جيدة؟، بيكلفنا 6 مليارات جنيه في السنة واللي بيتحقق منه 2.3 مليار جنيه فقط”.
وتحدث الرئيس عن تطوير المحتوى الإعلامي، متابعًا: “هل المحتوى ده هو اللي احنا بنتمنى نقدمه”، ملمحًا إلى دور الدولة في تصحيح المسار الإعلامي.
وأشار السيسي إلى تأثير الإعلام والدراما وعوائدها، قائلًا: “من سنين طويلة، كان الإعلام له تأثير كبير جدًا، وكان له عوائده، من تسويق مسلسلات التليفزيون في الدول العربية”.
وأردف: “حصل تطور في الدول العربية وفضلنا زي ما إحنا، بنتحرك في إصلاح هذه المنظومة، الشق الاقتصادي والفني، اللي كتير مننا غير راضي عنه.. في دول زي الولايات المتحدة والهند بيدخلها أموال هائلة من الأفلام وده شكل من أشكال تقديم الدولة للعالم”.
وأكد الرئيس: “بنشجع جدًا كل الشباب، وشوفوا الوجوه الإعلامية الموجودة”، مضيفًا فيما يتعلق بتطوير المنظومة: “مش هوعدكم بحاجة في الموضوع ده، بدأنا في المحتوى وأتصور خلال سنيتن أو 3 هيبقى المحتوى أفضل من الواقع ده”.
واختتم الرئيس حديثه: “الإعلام تليفزيون وراديو مبقاش الوسيلة الوحيدة اللي بيتم إيصال المعلومات بيها للناس، في حاجات أخرى كثيرة جدًا، ومهتمين نبقى متحركين فيها علشان نواكب العصر اللي موجودين فيه، خلال سنتين أو 3 هنبقى في مكان أفضل كتير من المكان اللي إحنا موجودين فيه بشكل أو بآخر بالتوافق مع الصناعة الموجودة في هذا المكان”.
