ريهام سعيد لـ”تامر حبيب”: “بقيت بوبى الحبوب ورقصت لما خسيت بس” (صورة)

ردت الإعلامية ريهام سعيد على تعليق السيناريست تامر حبيب، وذلك على خلفية تصريحاتها تجاه المصابين بالسمنة المفرطة.

وكتبت ريهام سعيد عبر حسابها الشخصي بموقع التواصل الاجتماعي “فيس بوك”، قائلة:” غير أن عيب حد مثقف زيك ياخد بجمله من وسط حلقه زي الناس العادية، عيب أوي أنك تتكلم بالطريقة دي وأنت نفسك مبتدتش ترقص وتبقي بوبي الحبوب غير لما عملت عمليه وخسيت نزلت من نظري أوي”.

ريهام سعيد ترد على زينة: “ولاد من غير نسب ومخدرات وقرف ولسه ليكي عين تتكلمي” (صور)

وجاء ذلك تعليقات على تعليق تامر حبيب على تصريحاتها تجاه مرضى السمنة المفرطة،عبر حسابه بموقع “فيس بوك“، قائلا: “طيب التخين ممكن يخس، إنما الريهام ده يا حرام، يعمل إيه؟!”، مما تفاعل معه أصدقاءه الذين غضبوا من تصريحاتها.

وردت الإعلامية ريهام سعيد، على منتقديها للمرة الثانية، بسبب تصريحاتها الأخيرة عن مرضى السمنة المفرطة، عبر فيديو بثته على قناتها الرسمية بموقع “يوتيوب”.

تفاصيل الواقعة

وقالت: “الأيام دي بتفكرني بأي فترة بنعمل فيها حلقات قوية جدًا، فأنا مبسوطة جدًا أننا غايظين ناس كتير، إحنا عملنا جراحات لناس كتير أوي الأسبوع اللي فات، والستات كلهم زي الفل وصحتهم كويسة أوي”.

وتابعت: “وأنا عارفة أن فيه ناس كتير أتضايقت ودكاترة كتيرة أوي، والنجاح بيضايق، للمرة الأخيرة لجمهوري اللي بيحبني، احنا مجرحناش حد ولا اتكلمنا على حد، والناس اللي 200 كيلو، هما فعلا عبء على الدولة، لأنهم مبيشتغلوش، والسمنة لو معندكش مشاكل في الغدد والجينات، أنت خترت تكون تخيين، فأنت جبته لنفسك”.

ريهام سعيد تُثير الجدل مجددًا بسبب “السمنة”: “أنت اخترت تكون تخين.. جبته لنفسك” (فيديو)

وأردفت: “لما كنا بنتكلم على الناس اللي بيلبسو سدال وعباية، دول ناس بسيطة هنقول جزء منهم أمُي، لازم تكلمهم بطريقة مختلفة، غير أنك تقوله هيجيلك سكر وضغط وكولسترول، لأن كل اللي حواليه بيقوله التخن دا عزوة وأحلى حاجة في الدنيا”.

وأضافت: “لازم نعرف إن شكلنا وحش، ومنظر مش لطيف، وفعلاً هو مش متحضر، واحدة كتبالي في الكومنتات مانتي كنتي عجلة، يعني أنتي بتشتمي التخان أهو، ناس غريبة أووي”.

وتابعت: “وأنتو بتتريقوا على التخان وبتطلقوهم ومش بتتجوزوهم، سيبونا نساعدهم، ونخسسهم وننصحهم، بدال أنت مبتعملش حاجة خليك في حالك”.

“الأعلى للإعلام” يستدعي ريهام سعيد للتحقيق بسبب تصريحات “السمنة”

وأكملت: “وكل ما كنا بنعمل حلقة قوية بنلاقي هجوم، فكرتوني بأيام زمان، أحنا موجودين، واحنا ربنا معانا، ومش هنقع، وللناس اللي بتزيط في الزيطة ومش فاهمة اتفرجوا على الحلقة وشوفوا ساعدنا ناس قد إيه ونصحنا ناس قد إيه”.

واختتمت: “والتخن حاجة سيئة جدًا ونقمة، وأي حد بيقولك حاجة عادية، لا هو بيضرك مش بينصحك، ناس كتير عندها مشاكل كتير جدًا، والتخن بيخلي الناس عايشة ميتة أنا عارفة عشان كنت تخينة”.