عماد متعب: “حسام البدري أذاني وخلى شكلي وحش.. وكنت مكسوف من بناتي” (فيديو)
شن عماد متعب مهاجم الأهلي السابق هجوما على حسام البدري المدير الفني السابق للأهلي بسبب استبعاده الدائم من المباريات بدون أي أسباب وإجباره على الاعتزال.
وقال متعب: “غضبي من حسام البدري هو عدم الوضوح، قالي انت قادر تلعب؟ قالي بص الجدول أهو هتخرج بره أول ماتش وهتلعب باقي الماتشات بعد كده، ملعبتش روحتله قالي هنتفق اتفاق جديد مش هتلعب الماتش الأول وهتلعب اللي بعده، ومن ساعاتها ملعبتش بعد كده”.
وتابع متعب أثناء تواجده بقناة الأهلي: “لو قابلت حسام البدري مش هتكلم معاه في الكوره لأنه شخص أذاني”.
وأضاف مهاجم الأهلي: “وصلت لمرحلة إني بقيت مكسوف من بناتي، كنت بروح ألاقي اسمي بره القائمة اخد لبسي وامشي، تاني مرة لقيت اسمي بره القائمة، بقيت اجي بلبس خروج واسيب لبس التدريب في العربية”.
وتابع: “في فرق بين مدير فني مش بيلاعبك لأسباب ومدير فني بيحاول يأذيك مش عايزك تبقي موجود فيخلي شكلك وحش، كان بيتلكك ليا علي اي حاجه أرمي تيشيرت التسخين فيشاور للجمهور يقولهم شوفوا”.
