تعرف على أسباب صدمة أحمد السعدني من متابعيه بعد تخطيه أزمة وفاة أم أولاده
أعرب الفنان أحمد السعدني، عن اندهاشه الشديد من حالة الهجوم التي تعرض لها بعدم قيامه بنشر بوست عن زوجته التي توفيت خلال الفترة الماضية، خاصة في ظل كمية السباب والشتائم التي تعرض لها ولم يكن يعلم عنها شئ.
وكتب السعدني عبر حسابه الشخصي بموقع التواصل الاجتماعي “فيس بوك” يوجه العتاب واللوم للناس، قائلا: “طول عمري مبيفرقش معايا كلام الناس وكنت بلوم صحابي زي أحمد فهمي مثلاً أنه بيقعد يشتم الناس اللي بتشتمه وأقوله أنت بتقرا ليه أصلاً كبر دماغك!!”.
وأضاف: “عمري ما اهتميت اقرا التعليقات السلبيه أو يمكن كنت محظوظ إني مكنتش بشوفها أو يمكن مكنش حد بيغلط فيا !!”.
وتابع: “الحقيقة معرفش الوضع كان ايه لكن بعد البوست الطويل اللي انا كتبته لصاحبة البوست حبيبتي و ام ولادي رحمة الله عليها و مكنتش مهتم ان حد يقراه و لا كنت عايز اعرف رأي حضراتكم فيه !!”
وأوضح: “لقيت صحابي قالولي إن في ناس شتمتني استغربت لإن اللي اتربينا عليه أنه لا شماته في مواقف معينه، بس مهتمتش برضه لإن اللي فيا مكفيني اساساً”.
وأردف: “النهارده بالصدفه كنت داخل اكتب تعليق علي مدرب الاهلي الجديد بحاول اكسر حالة الجمود اللي انا فيها والحمدلله فشلت فشل ذريع اني اكسرها والفضل لناس المفروض انهم متابعين ليا المفروض برضه انهم بيحبوني يعني امال متابعني ليه عشان يشتموني ؟؟.
وأكد السعدني: “أن كلام البعض واللي اعتقد مخدش منهم ٥ ثواني كتابه، لكن الاكيد انه خد وجع قلب وروح وخد من دمي واعصابي اللي اتحرقوا كتير، انا لا حشتم و لا حعمل بلوك لحد و لا حقفل التعليقات انا حرجع زي ما كنت اكتب و انزل صور لنفسي ولاي حد بيحبني و شخص محترم حتي لو اختلف معايا”.
واختتم كلامة قائلا: “ومش عايز الهري ده ينسيني اشكر كل حد قريب مني وقف جنبي في شدتي وكل بعيد كان بيدعي للغاليه بالرحمه ولينا بالصبر، والاهم اني اكتشفت وانا بكتب السطر ده اني كسرت حالة الجمود فعلاً الحمدلله والبوست اللي جاي حيكون عن المدرب بس شكل حظه اداله فرصه معايا اشوفه في الماتشات”.
أحمد السعدني يحتفل بعيد ميلاد إنبة
وشارك السعدني خلال السباق الرمضاني الماضي في بطولة مسلسل”زي الشمس” بطولة كوكبة من النجوم منهم دينا الشربيني ، أحمد داوود، سوسن بدر، جمال سليمان، أحمد مالك، عمر السعيد وهو من تأليف مريم نعوم وإخراج سامح عبد العزيز.
