صديقه يعرض مكافأة لانتشال جثمانه.. هاشتاج “انقذوا أحمد مجدي” يتصدر تويتر

تصدر هاشتاج انقذوا أحمد مجدي تريند موقع التواصل الاجتماعي تويتر بعد 20 ساعة من غرقه فى بحر دمياط دون محاولات لانتشال جثمانه.

ودشن أصدقاء احمد مجدي، 20 سنة، أولى طب المنصورة، هاشتاج #انقذوااحمدمجدي للمساعدة فى العثور على جثمانه.

ومن بين المعلقين، أحد أصدقاء الطالب المفقود وعرض مكافأة تصل لـ 30 ألف جنيه لمن يساهم فى العثور على جثمانه، قائلاً : “مكافأه ماليه تتراوح ما بين ١٠ الاف ل ٣٠ الف ويمكن أكتر لأي غواص ينزل يجيب أحمد مجدي واحنا كدفعته واهله وصحابه مش هنقصر مع حد بس يطلع”

وجاءت التعليقات كالتالى: ٢٤ ساعة في ظلمات البحر .. إلىٰ الله المشتكي .. عزاؤنا الوحيد يافتىٰ أن الحق سبحانه وتعالىٰ أعلم بمكانك وتالله هو أرحم بك منّا .. #انقذوا_احمد_مجدي شاب ف ٢٠ من عُمره غرق امبارح ف بحر دمياط الجديده وكل فرق الانقاذ والمسؤولين رفضوا يساعدوه ويدورو عليه بقاله اكتر من ٢٠ ساعه ف المايه وردهم كان سيبوا يطفوا برحته.. حسبي الله ونعمه الوكيل وربنا يوريهم حرقه اهلهم وقلب امه عليه وياريت ياجماعه نشارك في هشتاج #انقذوا_احمد_مجدي

خدمة إنسانية — في واحد غرق في دمياط الجديدة و مفيش أي فرقة إنقاذ راحتله و بقاله حوالي ٢٠ ساعة في المية ، و مش عارفين نوصله و أهله ربنا أعلم بيهم ، حاليا بنحاول نفعل الهاشتاج #انقذوا_احمد_مجدي لعلهم يستجيبوا

خدمة إنسانية #انقذوا_أحمد_مجدي

يرضى مين يعني منظر أمه وابوه وأهله وهما قاعدين القعده دي منتظرين ابنهم يطلع من المايه عشان مفيش فرقه انقاذ تطلعه دول بيموتوا في الدقيقه ميت مره حسبي الله ونعم الوكيل في كل مسؤل مقصر

انقذوا أحمد مجدي

ياجماعه الخير ال يعرف رقم فريق انقاذ ف دمياط او راس البر او اي مكان حتي ضروري يقول رقمه زميلنا غرقبان ف عرض البحر ف دمياط من امبارح العصر ومفيش اي فريق انقاذ جه او حد راضي يساعد باي حاجه او رد ضروري ي جدعان بالله عليك ال يعرف يقول وادعوا ان ربنا ينجيه .. #انقذوا_احمد_مجدي

حسبي الله ونعم الوكيل رفقا بقلب أم ينزف #انقذوا_احمد_مجدي ربنا يحفظه ويرجعه لاهله سالم #انقذوا_احمد_مجدي ربنا يرحمه لو مات و ربنا يناجيه لو عايش انشاء الله خير #انقذوا_احمد_مجدي