السيسي: “مش هنقدر نفرض الرياضة بس ده مش جسم شباب خد ابنك واتمشى معاه”
أخبار
قال الرئيس عبدالفتاح السيسي، إن الشعب المصري يفتقد إلى اللياقة البدنية بشكل كبير.
وأضاف السيسي، خلال كلمته في جلسة “اسأل الرئيس”، ضمن المؤتمر الثامن للشباب، أنه تحدث عن الرياضة في مؤتمرات سابقة، “قلنا عايزين نهتم بالرياضة ونخصصلها درجات تدخل في تقييم الطالب، لكن الزملاء قالوا نخشى إننا في ظل عدم توفر آليات حقيقية تخلينا نقدر نعمل الموضوع ده بشكل متكامل”.
وتابع الرئيس قائلا إن المجتمع والمدارس غير مستعدة، “لو حطينا درجات على الرياضة، فهنحتاج اختبارات وأمور كثيرة، فمش هقول لغينا الفكرة لكن قلنا نأجلها، حتى تكون المدارس والمجتمع مستعد للموضوع ده”.
وأوضح السيسي: “كنت متصور إننا ممكن نفرض ونخلي الرياضة جزء من التقييم في العملية التعليمية بحيث إنه يوصلنا في النهاية إنه يبقى فيه اهتمام، والأب ياخد أولاده يتمشى بيهم ويعمل رياضة خفيفة”.
