“اتقي الله واسترجل”.. أزهري يوجه رسالة قاسية لـ”مصطفى أبو تورتة”
علق الشيخ أحمد صبري، أحد علماء الأزهر، على قصة الفتاة التي تركها خطيبها “مصطفى أبو تورتة” كما أطلق عليه بعض مستخدمي مواقع التواصل.
وذلك أثناء حفل الاحتفال، بإحدى قاعات الأفراح، ورحل بعد أن أخذ الشاب “التورتة”، وقال إن هذا يعد من باب خلف الوعد والتلاعب بمشاعر الفتاة.
محمد هنيدي يسخر من “مصطفى أبو تورتة” على طريقته الخاصة (صورة)
وقال صبري، في تصريح لـ”القاهرة 24“، إن الخطوبة في الأساس منم أجل اكتشاف الطرفين، وهي عبارة عن مجرد وعد بالزواج، موضحًا أن من وعد لإمرأة بالزواج وخلي بيها يعد من باب خلف الوعد الذي حرمه الله عز وجل، بالإضافة إلى التلاعب بالأعراض.
وتابع، إذا وعد الرجل إمرأة بالزواج وخلي بها دون أي عذر يدفعه لفعل ذلك فهو مرتكب أثم عظيم عند الله، ولكن إذا كان لديه سبب مقنع لفسخ الزيجه فهذا من حقه ولا أثم عليه، موضحًا أن هناك حلقة وصل مفقودة بين الطرفين لا يعرفها أحد.
ووجه رسالة إلى هذا الشاب قائلا:” اتقي الله.. هذا ليس من شيم الرجال والمفروض كنت تسترجل كدا .. ومتلعبش بمشاعر الناس”.
وفي وقت سابق، نشرت فتاة تدعي نهال، منشورًا على موقع التواصل الاجتماعي “فيس بوك”، تروي قصة إنفصالها من خطيبها الذي تركها أثناء حفل خطوبتهما بإحدى قاعات الأفراح، ورحل بعد أن أخذ “التورتة”.
بالصور.. “مصطفى أبو تورتة” يثير غضب “السوشيال ميديا” بعد الهروب من خطيبته
وكتبت نهال: “أنا كان مقري فتحتي زي ما كله عارف على مصطفى وخطبتي كانت يوم السبت، اللي فات المفروض كان بينا مشاكل زي أي اتنين عاديين مع مامته بقى وخلافات بتحصل أول ما طلب حاجة وقولت دا عادي بيحصل بس الي متخيلتش إنه يحصل إنه يسيبني في القاعة لوحدي.. اتفاجئت إنه مش عازم صحابه ولا قرايبه كلهم وحسيت في حاجة غلط حتى مامته وأخته مفيش.. واحدة فيهم جت بركتلي وقولت أمشي اليوم”.
شاب يترك خطيبته داخل قاعة الأفراح ويسرق “التورتة” ويهرب (صور)
وقالت الفتاة: “كل ما أقوله فين الشبكه اللي هنلبسها يقولي أصل اتكب عليها شربات أصل وقع جاتوه عليها.. طب خليها بعد البوفية وكلام كله غريب كدا لحد ما دخلنا بعد البوفية لقيت أهله كلهم مشيوا.. وقال أيه خالوا تعب! في يقوم أهله كلهم يمشوا وأنا في القاعة لوحدي بدور عليه الاقيه بيصرخ برا ويقول خالي عيان وبيطلم وحاجات غريبة كدا وأنا اقسم بالله ما مستوعبة اللي بيحصل هو في واحد خاله عيان عيلته كلها بتمشي الستات اختفوا بس كانو بيهزروا فوق نسوا العيان”.
وأضافت نهال: “والأنيل إننا اكتشفنا إنهم أخدوا التورت معاهم طب مش خالك عيان.. أخدتوا التورت معاكم ملبسنيش شبكة.. وقبل كل دا بأيام جالي البيت وأخد التوينز بتاعت قراية الفاتحة بحجة إنه عايز يلبسني كله مرة واحدة في القاعة وأنا هبلة وافقت! مجاش في بالي للحظة واحدة انه هيعمل فيا كدا”.
واختتمت الفتاة: “دلوقتى حبه أقول كل دا عشان ايه؟ كان ممكن ننهي بالمعروف من غير أذى نفسي ليا.. كان ممكن تسترجل وتيجي تقولي يلا نفركش وكنت لغيت الخطوبة.. مش جي وبترقص وتقولي محضرلك مفاجأة.. وفي نيتك تعمل فيا كدا.. حسبي الله ونعم الوكيل”.
