مساج وتنظيف بشرة.. مراكز نسائية تقدم هدايا لخطيبة “مصطفى أبو تورتة” (صور)

أعلن سنتر “كوكولامي بيوتي كار”، عن تقديم عرض للفتاة التي تدعى “نهال شعبان”، والتي أشعلت مواقع التواصل الاجتماعي، بعد سرد حكايتها مع “مصطفى أبو تورتة”، الشاب الذي تركها في ليلة خطوبتهما وأخذ “التورتة” وغادر الفرح.

حيث قدم السنتر للفتاة، جلسة مساج، وتنظيف بشرة فري، مؤكدين على أن هذا سينسيها ما حث من الشاب المدعو “مصطفى”، مفعلين هاشتاج “كلهم مصطفى تورتة”.

ولم يكن “كوكولامي بيوتي كار” الوحيد الذي قدم هدايا وعروض لنهال بسبب تلك الواقعة، حيث قدمت عيادة أسنان جلسات “تبيض أسنان مجانية” للفتاة، قائلين: “عشان ترجع أسنانك تنور تاني”.

الأمر وصل بأحد السناتر لملابس العرائس، بأن تعلن عن خصومات لجميع من يحملون اسم نهال ويصل العرض إلى 20%، مؤكدين على أن العرض مستمر حتى نهاية أكتوبر القادم.

من هو مصطفى أبو تورتة؟

“مصطفى أبو تورتة”، اسم ظهر منذ الساعات الماضية وانتشر بشكل واسع على مواقع التواصل الاجتماعي ومحركات البحث، حيث حظى باهتمام واسع من قبل الشباب والفتيات.

البداية كانت حينما نشرت فتاة تدعي نهال، منشورًا على موقع التواصل الاجتماعي “فيس بوك”، تروي قصة انفصالها من خطيبها الذي تركها أثناء حفل خطوبتهما بإحدى قاعات الأفراح، ورحل بعد أن أخذ “التورتة”.

وعلى الفور تداول مستخدمو مواقع التواصل الاجتماعي الرواية، ما بين مؤيد لمصطفى ومهاجم، إلا أن الغالبية من مستخدمي المواقع، هاجموا الشاب وأطلقوا هاشتاج “مصطفى أبو تورتة”، والذي تصدر مواقع التواصل الاجتماعي.

تفاصيل واقعة مصطفى أبو تورتة

وكتبت نهال شعبان، تفاصيل قصتها: “أنا كان مقري فتحتي زي ما كله عارف على مصطفى وخطبتي كانت يوم السبت، اللي فات المفروض كان بينا مشاكل زي أي اتنين عاديين مع مامته بقى وخلافات بتحصل أول ما طلب حاجة وقولت دا عادي بيحصل بس الي متخيلتش إنه يحصل إنه يسيبني في القاعة لوحدي.. اتفاجئت إنه مش عازم صحابه ولا قرايبه كلهم وحسيت في حاجة غلط حتى مامته وأخته مفيش.. واحدة فيهم جت بركتلي وقولت أمشي اليوم”.

وقالت الفتاة: “كل ما أقوله فين الشبكه اللي هنلبسها يقولي أصل اتكب عليها شربات أصل وقع جاتوه عليها.. طب خليها بعد البوفية وكلام كله غريب كدا لحد ما دخلنا بعد البوفية لقيت أهله كلهم مشيوا.. وقال أيه خالوا تعب! في يقوم أهله كلهم يمشوا وأنا في القاعة لوحدي بدور عليه الاقيه بيصرخ برا ويقول خالي عيان وبيطلم وحاجات غريبة كدا وأنا اقسم بالله ما مستوعبة اللي بيحصل هو في واحد خاله عيان عيلته كلها بتمشي الستات اختفوا بس كانو بيهزروا فوق نسوا العيان”.

وأضافت نهال: “والأنيل إننا اكتشفنا إنهم أخدوا التورت معاهم طب مش خالك عيان.. أخدتوا التورت معاكم ملبسنيش شبكة.. وقبل كل دا بأيام جالي البيت وأخد التوينز بتاعت قراية الفاتحة بحجة إنه عايز يلبسني كله مرة واحدة في القاعة وأنا هبلة وافقت! مجاش في بالي للحظة واحدة انه هيعمل فيا كدا”.

واختتمت الفتاة: “دلوقتى حبه أقول كل دا عشان ايه؟ كان ممكن ننهي بالمعروف من غير أذى نفسي ليا.. كان ممكن تسترجل وتيجي تقولي يلا نفركش وكنت لغيت الخطوبة.. مش جي وبترقص وتقولي محضرلك مفاجأة.. وفي نيتك تعمل فيا كدا.. حسبي الله ونعم الوكيل”.