رضوى الشربيني للأهالي: “الراجل اللي هيقعد جنب بنتكم في الكوشة دا مكمل.. اختاروه دكر” (فيديو)

وجهت الإعلامية رضوى الشربيني، رسالة إلى الأهالي بضرورة التأني في اختار شريك حياة بناتهم، وذلك على خلفية قصة السوشيال ميديا الشهيرة “مصطفى أبو تورتة”، والذي ترك خطيبته نهال في حفل الخطوبة، بحجة مرض خاله وأخذ تورتة الخطوبة معه، مما عرضه للسخرية من الحضور.

وقالت الشربيني خلال حلقتها مساء أمس ببرنامج “هي وبس”، الذي يُعرض على “سي بي سي سفرة”: “أقول لكل أب وكل أم، الراجل اللي بيقعد جمب بنتك في الكوشة، دا مكمل، المفروض نختاره إنه راجل هيكمل، مش هيعقد على الكوشة ويمشي، مش ضيف، أديكم شفتوا أبو تورتة”.

“نهال” صاحبة واقعة التورتة في مداخلة هاتفية مع رضوى الشربيني: “الفضيحة للي سابني ومشي”

وأضافت: “النسب مهم، إختاروا دكر لبنتكم، وفي رجالة محترمية، والله فيه، واحد يقعد جمبها على الكوشة، ويقعد جمبها على السرير لو تعبت بعد الشر، مش حبيب خالو، طب لو خالو عايز التورتة، وماما عايزة الشبكة، وهو عايز البنت دي مبقتش جوازة، كفاية كدا ولو مكنتش على شاشة”.

وتابعت: ” أنا اتكلمت في الموضوع دا إنهارده، مش شو إعلامي ولا بنركب ترند، بالعكس الموسم دا قولنا بنصلح وقولنا هنالح، وهيكون خدمي، بس أنا حطيت بنتي مطرحها، صدقني يادرش أهل نهال ناس محترمة وغلابة، ولا أقصد فقر وغنى، ولكن غلابة أخلاق”.

وأختتمت: “عايزة أقول للي بيتفرجوا علينا، أو الستات الحلوين اللي معانا، أي حاجة هتبقى مش عجبانا هنقول بلاش ياجماعة تتجوزا حد زي أبو تورتة، بلا تعمل زي أبو تورتة، بلا تتكلم زي أبو تورتة، مبروك عليك الشبكة، وأنت مكمل معانا طول الموسم، حبي دكر وأتخطبي لدكر، وأتجوزي لدكر، وإختاري لبنتك دكر، أبو تورتة لأ”.

وفي نفس الحلقة، تواصلت رضوى الشربيني مع نهال شعبان، العروسة التي تركها خطيبها، لتكون أول ظهور إعلامي لها بعد الواقعة، للكشف عن ملابسات القصة، وتبرئ نفسها أمام الجمهور، الذي وجه لها عدد كبير من الانتقادات.

وقالت نهال، إنها نشرت القصة على حسابها الشخصي بـ”فيس بوك”، كنصيحة منها للفتايات حتى لا يقعن في حياتهم أشخاص مثل مصطفى، وأنها كانت لا تريد شهرة أو غيرها.

وتابعت: “الفضيحة عمرها ما هتكون فضيحة لأني وسط أهلي وصحابي، الفضيحة للي سابني ومشي”، كما أحضرت لها رضوى، تورتة على الهواء، وسألتها هل نالت إعجابها أم لا، حتى ترضيها.