رانيا يوسف عن زواجها مرة ثانية: “كلهم مصطفى أبو تورتة” (صورة)
ردت الفنانة رانيا يوسف، بطريقة كوميدية ساخرة، على سؤال أحد معجبيها عن زواجها خلال الفترة المقبلة، قائلة: “كلهم مصطفى أبو تورتة”، وذلك في إشارة لقصة الشاب الذي ترك خطيبته في قاعة الاحتفال حاملا التورتة وغادر الحفل.
ونشرت رانيا يوسف هذا الرد عبر خاصية الاستوري بحسابها الشخصي بموقع تبادل الصور والفيديوهات الشهير “انستجرام”.
وكانت رانيا يوسف أعلنت عن تطبيق جديد يحمل أسم”أسك”، وتنتظر تلقي العديد من الاسئلة.
وترجع تفاصيل قصة مصطفى أبو تورته إلى نشر فتاة تدعي نهال، منشورًا على موقع التواصل الاجتماعي “فيس بوك”، تروي قصة انفصالها من خطيبها الذي تركها أثناء حفل خطوبتهما بإحدى قاعات الأفراح، ورحل بعد أن أخذ “التورتة”.
وعلى الفور تداول مستخدمو مواقع التواصل الاجتماعي الرواية، ما بين مؤيد لمصطفى ومهاجم، إلا أن الغالبية من مستخدمي المواقع، هاجموا الشاب وأطلقوا هاشتاج “مصطفى أبو تورتة”، والذي تصدر مواقع التواصل الاجتماعي.
تفاصيل واقعة مصطفى أبو تورتة
وكتبت نهال شعبان، تفاصيل قصتها: “أنا كان مقري فتحتي زي ما كله عارف على مصطفى وخطبتي كانت يوم السبت، اللي فات المفروض كان بينا مشاكل زي أي اتنين عاديين مع مامته بقى وخلافات بتحصل أول ما طلب حاجة وقولت دا عادي بيحصل بس الي متخيلتش إنه يحصل إنه يسيبني في القاعة لوحدي.. اتفاجئت إنه مش عازم صحابه ولا قرايبه كلهم وحسيت في حاجة غلط حتى مامته وأخته مفيش.. واحدة فيهم جت بركتلي وقولت أمشي اليوم”.
وقالت الفتاة: “كل ما أقوله فين الشبكه اللي هنلبسها يقولي أصل اتكب عليها شربات أصل وقع جاتوه عليها.. طب خليها بعد البوفية وكلام كله غريب كدا لحد ما دخلنا بعد البوفية لقيت أهله كلهم مشيوا.. وقال أيه خالوا تعب! في يقوم أهله كلهم يمشوا وأنا في القاعة لوحدي بدور عليه الاقيه بيصرخ برا ويقول خالي عيان وبيطلم وحاجات غريبة كدا وأنا اقسم بالله ما مستوعبة اللي بيحصل هو في واحد خاله عيان عيلته كلها بتمشي الستات اختفوا بس كانو بيهزروا فوق نسوا العيان”.
وأضافت نهال: “والأنيل إننا اكتشفنا إنهم أخدوا التورت معاهم طب مش خالك عيان.. أخدتوا التورت معاكم ملبسنيش شبكة.. وقبل كل دا بأيام جالي البيت وأخد التوينز بتاعت قراية الفاتحة بحجة إنه عايز يلبسني كله مرة واحدة في القاعة وأنا هبلة وافقت! مجاش في بالي للحظة واحدة انه هيعمل فيا كدا”.
واختتمت الفتاة: “دلوقتى حبه أقول كل دا عشان ايه؟ كان ممكن ننهي بالمعروف من غير أذى نفسي ليا.. كان ممكن تسترجل وتيجي تقولي يلا نفركش وكنت لغيت الخطوبة.. مش جي وبترقص وتقولي محضرلك مفاجأة.. وفي نيتك تعمل فيا كدا.. حسبي الله ونعم الوكيل”.
وتنتظر الفنانة رانيا يوسف خلال الفترة المقبلة، عرض مسلسل “مملكة إبليس”، الذي يشارك في بطولته كوكبة كبيرة من النجوم منهم غادة عادل وسلوى خطاب، وأحمد داود، وإيمان العاصى، وخالد أنور، ومحمود الليثى، وأسماء جلال، ونانسى صالح، وضيوف شرف منهم ناهد السباعى وفيدر
