السيسى: مش هينفع نعمل مشروعات مترو بسعر التذكرة دلوقتى ولا بـ3 أضعافها

قال الرئيس السيسى، خلال حفل انتهاء تنفيذ وتبطين أنفاق قناة السويس: “ما أعرفش الشركات هتبقى مستعدة إنها تشتغل معانا فى المرحلة الرابعة للمترو اللى طولها 14 كيلو متر، ولا لأ، هل مستعدين إنهم يشتغلوا معانا ونعمل لأول مرة فى مصر كل حاجتنا من الأول للآخر بشركات ومعدات مصرية، أنا بقول لهم هاخد المكن من هنا على هناك، لكن لما بنيجى نعمل مشروعات زى كده بناخد قروض من الدول اللى بتمول المشاريع دى، لكن فى الحالة دى بتكون تمويل من الدولة، لكن قدرتها مش قوية على إنها تمول مشروعات بالحجم ده لوحدها، فانتوا محتاجين يبقى فيه تمويل بفائدة مناسبة شوية من البنوك”.

وأضاف السيسى كلمته خلال الاحتفال، قائلا: “لن تكون أسعار هذه المشروعات عادية للمستخدم زى ما بتتقدم دلوقتى، أنا بكلمكم بصراحة، هتاخد 30 مليار جنيه علشان تعمل خط مترو أنفاق بس من غير معدات، بالإضافة لـ13 مليار أخرى معدات، ده مش هينفع إن إحنا نعمله بسعر التذكرة الموجود دلوقتى، ولا بضعف التذكرة، ولا بـ3 أضعافها بصراحة كده”.