عمر كمال: “أنا اتخرب بيتي بسبب قرار النقابة.. واشمعنا أحمد شيبة متوقفش”
أعرب مطرب المهرجانات عمر كمال عن استيائه الشديد من قرار الفنان هاني شاكر، نقيب المهن الموسيقية، بوقف مطربي المهرجانات عن الغناء.
وقال “كمال”: “أنا اتخرب بيتي جدا، ودلوقتي برجع عرابين الحفلات وبقدم اعتذارات للناس اللي بشتغل معاهم وبيتخرب بيتي بجد، وكل دا بسبب خطأ مش مقصود حدث أثناء غناء “بنت الجيران” في استاد القاهرة”.
وتابع: “طلعت واعتذرت عن الخطأ دا ووضحت كل اللخبطة اللي حصلت وموضوع الفلاشة وغيرت الأغنية ونزلتها بعد التعديل، ومنعوني من الغناء وأنا أصلا مطرب مش بس مهرجانات، أنا عضو بقالي أربع سنين مش يوم ولا اتنين، ليه كل دا ليه”.
وأضاف: “ليه أنا بس اللي يحصل معايا كدا، اشمعنا أحمد شيبة مهو بردو غنى معانا في الحفلة، وغنى قبل كدا مع أوكا وأورتيجا، ليه أنا بس اللي يتعمل معايا كدا، وفيه غيرنا كتير بيغنوا مهرجانات ومحصلش معاهم كدا”.
رسميًا.. إيقاف عمر كمال عن الغناء نهائيًا (مستند)
وعن تعرضه للتحقيق من قبل النقابة، علق: “وارد جدا يبقى فيه تحقيق، بقيت متوقع أي حاجة من النقابة، بس أنا لسه متبلغتش بوجود التحقيق حتى الآن”.
وأصدرت نقابة المهن الموسيقية، برئاسة هاني شاكر، قرارًا رسميًا بإيقاف مطرب المهرجانات عمر كمال عن الغناء نهائيًا اعتبارًا من اليوم، بسبب المخالفات التي تتعارض مع شروط العضوية.
وجاء نص القرار كالتالي: “قررت نقابة المهن الموسيقية إيقاف المطرب عمر محمد كمال والشهير بعمر كمال عن العمل اعتبارًا من تاريخة وذلك لما بدر منه من مخالفات، والتي تتعارض مع شروط العضوية الواردة في القانون رقم 35 لسنة 1978 وتعديلاته”.
