LC Waikiki ردًا على شاب بعد العمل 3 أيام دون مقابل: “منعرفكش” (صورة)
نشر أحد الحسابات على موقع التواصل الإجتماعي تويتر، تغريدة لشاب يدعى عمر سليمان، يشتكي فيها مما تعرض له مع أحد متاجر الملابس الشهيرة، LC Waikiki، حيث عمل فيه 3 أيام على أمل التثبيت ويصبح جزء من الفريق ـ بحسب سياسة البراند ـ لينكر بعدها المدير وجوده من الأساس ويرفض تثبيته في العمل.
ويقول الشاب العشريني في تغريدته: ” كشاب بدرس ومهتم بدراسته ملقتش أي مكان اشتغل فيه part time غير LC Waikiki بس سياسة البراند ده في التعيين إنك لازم تنزل trying ثلاث أيام، بس اكتشفت إن مش شرط إنك نزلت trying أن احنا محتاجين ناس، أنت هتشتغل وهتمشي وملكش حاجة عندنا المدير مكنش عنده رد فهل حد عنده رد؟”.
وكانت التغريدة مصحوبة بتسجيل صوتي له مع مدير الفرع ويدعى وائل وحيد، بيسأل عمر فيه لماذا هذه السياسة وهل هذا يتوافق مع قانون العمل، ليكون الرد عليه من قبل المدير، “وأنت وافقت ليه لما أنت عارف قانون العمل.. خلصت أنا ماعنديش شغل”، وأكمل الشاب: “حقي أعرف ماتقابلتش ليه”، ليكون رد المدير، “أنا ماعنديش رد” وينكر أنه عمل معه من الأساس.
ويكمل: “3 أيام ماكنتش بعرف أنام من رجلي وفي الأخر تقولي أنا ماعرفكش”، وأختتم الشاب حديثة مع المدير بـ”مش هسيب حقي وهاخده”.
يبدو أن هذا السيناريو محفوظ ومتكرر بين الشباب، حيث لم تكن هذة شهادة عمر وحده وحسب، فكانت التغريدة متبوعة بردود كثيرة من شباب تكرر معهم نفس الحدث.
ويسرد معاذ السعداوي، أن هذا السيناريو تكرر مع أحد أصدقائه: “حصل مع واحد صاحبي في lc فرع كايروفيستيفال، نزل معاهم 3 أيام، وبعد كدا لما جه ينزل المدير قاله أنت مين أعتبر نفسك مفصول”.
ويقول أخر تكرر معه نفس الحدث: “حصل معايا ومع شباب كتير جدًا”.
ويضيف خالد ديفيد: “بيضحكوا على الناس، ويسحلوهم في 8 أو 9 ساعات شغل، والفرع بيكون فيه 6 أو 7 من فريق العمل والباقي كل يوم على مدار سنة تدريب، والعيب على مدير الفرع أنه يقبل ينزل واحد محتاج فلوس، وهو عارف أنه مش هيشتغل ولا هيقبض، ويكلفوه فلوس وهم شايفينه أنه أكتر حد محتاج للجنيه”.
