محمد رمضان: “الجمهور اللي خلاني مغني مش أنا.. مفيش مغني ممثل بجد”
برر الفنان محمد رمضان موقفه من خوضه المجال الغنائي، والنوع الذي يقدمه والذي أثار الرأي العام، خلال استضافته في برنامج “التاسعة” على القناة الأولى المصرية، ومن تقديم الإعلامي وائل الإبراشي
وعن غنائه وخوض ذلك المجال، قال: “مش أنا اللي اختارت أغني، أنا عملت إعلان عجب الناس ولقيت الأغنية شغالة في كل الأماكن، الجمهور اللي خلاني مغني مش أنا اللي قررت، اللي فرضني في الغناء هو الجمهور”.
وأشار إلى نجاحه في الغناء بالإضافة للتمثيل، قائلًا: “”بقيت أغلى مطرب في مصر والوطن العربي، والمغني المؤدي الوحيد في مصر اللي قدم 5 أغاني فوق الـ 100 مليون، ونجاحهم ملحوظ”.
وعلق على أزمة استخراج تصاريح الحفلات التي أقامها سابقًا قائلا: “على مستوى النقابة، فيه قانون في اتحاد النقابات التلاتة الموسيقية والتمثيلية والسينمائية، إن أي عضو في النقابات التلاتة ينفع يزاول المهنة في النقابة الأخرى”.
وأضاف: “والدليل على دا كم المغنيين في نقابة المهن الموسيقية بيجو يمثلوا عندنا، هل فيه واحد فيهم بيمثل كما قال الكتاب؟ هل فيه مغني ينفع يطلع قدامك دلوقتي وتقوله مثل فيمثل مشهد ويتأثر الـ ١٠٠ مليون بأدائه؟ كل المغنيين اللي بيمثلوا هما يؤدوا التمثيل، وأنا في الغنا أنا بأدي، مفيش ولا مغني ممثل بجد”.
أما عن رده على أزمته في قضية الطيار أشرف أبو اليسر، فقال: “الكابتن إلى هذه اللحظة لم يقدم طعن مش عاوز يرجع شغله، ليه واحد موقوف ميقدمش طعن ويفكر في الشخص اللي اتسبب في إيقافه دا بأنهي وعي”.
